Kiwano – Cucumis metuliferus

Haufua Kiwano in humna bubu ma suk namnaon. Mnaonta nako senti 10 tala 15, ma tapéné onlé léol fua’a. Inan tam nbi famili okam. Haufua i nmui sunaf ana’ nbi in poa’na ma nmoé kit tamnau tan nêu kenat humfés nako abad pertengahan. In nésna berwarna nomaté ma nmui fuatnana muti namfaun, ma in ukuran nako milimeter 5–10. Kalu fé’ ka namnaot, fuana berwarna nomaté.

Haufua’kin i ma-impor sin nako pah Israel ma pah Amerika Tnanan. Hitat tah in nésna nok in fuatnan’in nobatém. Haufua kiwano in aminta onlé okam, hénas oé ma uki. Tah talaél fua kiwano, hit tabê tpaék in po’at laél nêu pika’; ma in fuatnan’in tabê hitat sén sin. Hau i nmôên laba onlé hénas oé ma nmui toéf ma sunif namnaon. In noófin onlé okam in ni, nafuf ma makatil’in.

In fula sin naékin milimeter 3, ma in proses penyerbukan namnésa ha onlé nbi okam. Nait amtaé fun in fuana nabê napôên baát kalu ntom nok naijana. Hau Kiwano nmôên alekot nok suhu 25 ºC, fun lasi nan ma suhu nbi pot sin musti matiut hé lé namnés onlé oras hitat sén okam ai melon. Hau Kiwano kan sutai fa nêu cuaca és. Kalu hom môên nbi pah sén-séné ai nmui cuaca és, onat hom parlu hém sén/mupôên kiwano nbi moné, oras lé musim és pôên fin jén.

««« Lulat ahunta: Kulu fua', Artocarpus odoratissimus, Tarap Lulat amuinta: Welwitschia mirabilis – sénat hau fosil (haumnasi’séké) »»»

Néonhitu 25.9.2011 09:55 | Cétak | Hau Aléoktin