Upun Indonesia

Nbi pulu Kalimantan, Indonesia nmui spesies upun humaf 34 (Mangifera) mak nmônên fui nbi nasi. Namfaun nako Spesies sin i hén êpôn fin fun mêpô oét/héo hau ilegal. Spesies upun biakin, on lé Upun Kalimantan (Mangifera casturi) êpôn finjen nbi nasi naéka.

Conto hau upun bian nako Kalimantan és lé Mangifera griffithi (Asem Raba, Romian), Mangifera pajang (asem payang), Mangifera quadrifida (asem kipang) ma Mangifera torquenda (asem putaran).

Up Fomêni (Mangifera odorata) és lé spesies mak in kanna mahinan téa pah-pah ma masenat nbi pah Asia Tenggara. Upun nan napén sin nako kawin silang antara Upun biasa (Mangifera indica) nok Upun Bikase (Mangifera foetida). Upun i kankinna natuin uab bian-bian nbi Indonesia és lé : kuweni, kuwini (uab Indonesia); kweni, asam membacang, macang, lekup (Uab Melayu); kuwini, ambacang, embacang, lakuik (uab Minangkabau); kuweni, kebembem (uab Betawi); kaweni, kawini, bembem (uab Sunda); kaweni, kuweni, kweni (uabJawa); kabeni, beni, bine, pao kabine (uab Madura), kweni, weni (uab Bali); mangga kuini (uab Sulawesi Utara); dan kuini, guin, koini, kowini, koine, guawe stinki, sitingki, hitingki (uab nbi Pulu Maluku).