Au uaka’ au ka parlu fa hé utonan ki nêu ‘kisu loli kentang Colorado (Leptinotarsa decemlineata) fun léalsin nahinbén kalu lé ‘kisu nan nalêun loli kentang ma hit ka tabê fa hét tamaét sin kalu kat paék fa malo kimia. Onam sat, kan mui fa tuafés mak nahin malo méto mak nabê mapaké nêu ‘kisu loli kentang Colorado.
‘Kisu i nako mé?
‘Kisu loli kentang Colorado ném nako pah Amerika Tasifeto on pah Eropa. Nbi naé ‘kisu nan môên ala ha nbi naijan Cordillera és mé inan nêôk loli kentang fui in noofin. Oras lé tuafin mulai nsén loli kentang humaf i (kanaf botani: Solanum tuberosum) namfafaun nbi pah Amerika, ‘Kisu loli kentang Colorado msat berpindah nako lé kentang fui sin nêu kentang budidaya. Terima kasih nêu loli kentang, fun nako sin ‘kisu kentang Colorado nbea bén nbi pah pinan i nobatém.
NOVODOR FC – Bikaés Troya milenium teun?
Nbi malo Novodor FC nmui 2% protein bacteri Bacillus thuringiensis ssp. tenebroinis. Bakteri humaf i nalêun larva-larva(kaun ana) nako famili Galerucinae (alêun lé haukin onlé hau afu, hau alder ma hau willow) ma ‘kisu kentang Colorado.
Malo i nmoé kaun ana (larva) nan namén. Nêuk nalaél hau noof lé mapisin paék malo, kaun ana sin lof kan nêkun fa ben oke ma nan neno 2 tala 5 sin lofan maét fun malo nan. Nêu kaun ana biana, malo i ka malaos fa, ka nalêun fa, ai hen tom nêu noofin ai tom nêu naijana. Onat, kaun ana sin lof tamaét tan sin tpaék malo i oras sin fé an-ana ma feka na’naé. Malo i nalékon fin mapaké ala ha nêu kaun ana mnuen in.
Tom nêu hé malo i nmeôp leko, kaun ana sin parlu hen nahat naék – onat penting séké hét tpisin hau noofin in pese fafos ma munin tpaék malo nan. Lalan alékot nêu tpis malo i es lé oras kan mui fa anin, ma mansa nês nako derajat 15 °C. Kalu ulna nsaon 12 jam nako oras papisin sin, onat musti mapisin ntên.
Maol in i masosa sin nbi paket an-ana, nbi botêl kaca mak suata 100 ml ma upna ala ha Euro 3.
Humaf bian nako bakteri i nalêun kaun ana nako kupu-kupu kubis (Pieris brassicae) ma ‘kisu Codling Moth (Cydia pomonella) (zat Biobit FC) ma baésna in larva sin.
Laés amunit ma amlilat: hit tabê tah loli kentang oras mapis talaél sin!
Printed from neznama adresa