Sén pu panbu tasi (Pleurotus ostreatus)

Pu’ panbu tasi (Pleurotus ostreatus) muni i in kanna pôê pah-pah, nfin nako pu’ amahintin (Pu’ champignon)! Tai sin nok pu’ biasa, pu’ panbu tasi nalékon nês – in ka on fa pu amalaos in onlé „death cap“ (Phalloides amanita).

Pu’ panbu tasi (Pleurotus ostreatus) hoé nok vitamin, asam amino ma mineral, mak anpao hit aononkin nako zat amalaos in. Pu’ panbu i msat pên kit hé nasanut tingkat kolesterol nbi hit na’a, ma naléok seke hé mapaké nêu diet fun in kalori an ésa ha. Inamsat nmui zat sin mak anpao hit aononkin nako menas kanker.

On me hét sén pu’ panbu tasi (Pleurotus ostreatus)

Hit tabê sén pu’ panbu tasi natuin lalan nu – sén sin nbi jerami nbi kantong plastik, ai sén sin nbi hau toefin (log).

Sén nêu jerami nbi kantong plastik

Jerami musti manép’in nahun. Musti steril hé kaisan mui bakteri, ani têj, ma pu‘ biakin. Sterilisasi nabê tanaoba natuin lalan nu:

1. Tatam jerami nêu bak naékés (ketel ai drum mna‘) oke ma tatam oéla talan toéb nan jerami. Ta’lal jerami nan nahan leku 1 nok mansa suhu 100 °C. Oke ma, tafét né hé lé oétén tala suhu 20–25 °C.
2. Lal biana és lé: Tatam jerami nêu bak naékés (drum, dandang) oke ma pôep tatam oé malala. Jerami nan nabe mapaké kalu mansa saon tala derajat 20–25 °C.

Oras i, tatam jerami ma pu‘ fini (miselium jamur) nêu kantong plastik naék secara bergantian- jerami, pu fini, jerami, pu‘ fini – tala kantong nahêun. Fini kantong mese nabê mapaké nêu jerami losê kilo 15–20 (i ntoman fin nok kantong senti 50×100). Kalu kantong nan nahêun bén, fut in lul na, oke ma moé tan bola‘ bo’és nbi kantong in anbiana nobatém, bol’és mnaonta senti 3–5.

Kalu hom sén pu‘ panbu tasi nok tingkat kelembaban udara an-ana, ho mubê moé bola kuran nako boés (nêk namuin, ho mubê mubola’mtên kalu parlu) nêu hé jerami nan kaisan méot. Tsén talali, kantong sin musti mauatin nbi balé mak suk maisokan, onat mansa kan tom fa.

Suhu mak alekot nêu pu’ panbu tasi nmoên és lé derajat 15–25 °C. Kalu suhu nsaé ntên, pu’ panbu tasi lof môên labaha. (Masik suhu naék lof naméot oél nbi jerami lab-lab). Fun molok nan, nalékon nês tanésa lé suhu nok kebutuhan pu’ panbu tasi. Kalu orsés pu’ panbu tasi natolon namfaun nês nako aparluta, uat sin nbi balé oétén. Kalu hom lôem hé mupên pu’ ba namfaun, uat sin nbi balé maputu! Fin nako fun 3 tala fun 4 pu’ panbu tasi lof napôen hasil, ma mnahat nbi kantong nanan lofan epôn fin bén, onat hom parlu hém moê fini fêu (ho mubê moé sin nako jerami mna’a). Kantong mésé lofan fé ko hasil pu’ panbu tasi kilo 2 talan kilo 4.

Tsén sin nbi hau (log kayu)

Nbi nasi, pu’ panbu tasi nmôên nbi hau naékin. Fun molok i, hom sat mubê msén sin nbi hauba una ai hau toefin /hau maotés senti 30–80. Ho mubê mpaék hau lé nako hau naék ma noofin mafaub (kaisam paék hau aijao!). Hauba in uana kaisa nfin nako funan 6. Nmui lalan namfaun nêu hé tsén pu‘ panbu tasi nbi hau. Laés u’fa és lé pu‘ panbu tasi ntom nok hauba hé lé nmôên. Pus mutam hauba (1/3) lé nmamui pu fini nêu naijan nbi balé amafot nbi ho lele ai poan. Kalu nmeot, pôêp sin mpaék oéla. Nahan ton 2 téa ton 5, haukin nan lof napôen pu’ panbu tasi (in hasil naék ka ana lof tergantung nêu mnahat mak nmui nbi hauba).

Sosat pu’ panbu tasi