Malapari (Pongamia pinnata)

Hau Malapari Pongamia pinnata (kanaf bianin: Indian Beech Tree, Honge Tree, Pongam Tree, Panigrahi) és lé hau ma in noòfin masekal, mnaonta haumak meter 15–25, ma ntaman nbi famili Fabaceae. Hau nan nmui tunaf anaét és ma in ful ana sin warna muti, mtasa, ai ungu. Hau nan néman nako pah India, més namfaunin mak maséntin nbi pah Asia Tenggara.

Malapari (Pongamia pinnata) i hau tropis amatani ma asutai manas és. Fun in ba'af sin namfaun ma naék, hau i msat sutai nêô faknaisa. Secara alamiah, hau nan nmônên nbi naijan’asnaén ai naijanafatus, nokamsat nbi naijanafatu gamping, més nêô hét masénat, hau i nabê nmônên nbi naijan humaf mémsat, termasuk naijan’amasi'.

Hau i sering nmônên nbi naijaméto ma masénat nbi humoné manua nêô hén sên lé anin ai hén fé kit mafo. In poat mapaké nêô moé abas ai tani, ma in karet metan un-unu mapaké nêô namaol lé papa' nako ika’amalaso' nsau.

In ba'af buuf sin nfut nan zat nitrogen, nêô hén nmoé gas nitrogen (N2) nlael NH4+ (zat nitrogen humfés mak eskin nêô hauhôênsa). Onat ma, hau nan nabé nmoé naijan amamuit mnahat nlael naijan alékot. Maski hau i u'na nobatem nmui laso, més in oéla ma in min'a mapaké nêô malo anti infeksi. Mina' nako fuakina mapaké nêô paku, bahan nêô moé saban, oli pelumas, ma min solar.