هشراتیئین بیتکیلرین توخوملارینین سپیلمهسی قایداسی
بالکان یاغلیجاوتو (Pinguicula balcanica)
هشراتیئین بیتکیلرین توخوملاری اؤز جوجرمه قابیلیتلرینی قیسا مدت عرضینده ساخلاییرلار. بیر ایلدن سونرا بیر چوخ نؤولرین توخوملارینین جوجرمه قابیلیتی آزالیر. بونا گؤره ده بو بیتکیلرین توخوملارینی الده ائدن کیمی سپمک لازیمدیر.
اکمک اوچون ایکی قاب حاضرلانیر. بیرینجی قابین اؤلچوسو 10×15×10 سم-دن آز اولماماقلا، ایکینجیسی هر طرفدن 10 سم-دن داها بؤیوک اولسون. بؤیوک قاب دئشیک اولمامالیدیر، اونو شوشه و یا شففاف پلاستیک قاپاق واسطهسیله اؤرتمک اولار. سویون آخیب تؤکولمهسی اوچون ایکینجی قابین آلتیندا دیامئتری 1 سم اولان 3–5 دئشیک اولمالیدیر. بؤیوک قابین یاریسینا قدر سو دولدورون، اوندان اوریژینال آکواریوم دوزلدین. کیچیک قابا تورفلو سوبسترات یئرلشدیرین، تمیز قومدان دا ایستیفاده ائتمک اولار. نم چکمیش سوبستراتا عینی برابرلیکده توخوم سپیلیر. سوندا بوتون اکین ماتئریالینی بؤیوک قابا ائله یئرلشدیریرسینیز کی، سو کیچیک قابین یاریسینا چاتسین. بیر آی مدتینده سوبستراتین اوزرینده توخماجارین جوجرمهسینی گؤزلمک لازیمدیر، هانسی کی، 3–6 آیدان سونرا اونو آیری قابا کؤچوردورسونوز.
سپینقاباغی اکین سوبستراتینین ائمالی
سپینه قدر اکین سوبستراتینی ایستئریلیزاسیا ائتمک لازیمدیر. اگر سیز قومدان ایستیفاده ائتسهنیز، اونو قاینادیلمیش سودا 10 دقیقه تکرار قاینادین، یوخ اگر تورفدان ایستیفاده ائدیرسینیزسه، اوندا اونو قاینار سویا سالین و سویوماسینی گؤزلیین. بئلهلیکله، سیز آلاق اوتسوز کیفایت قدر ایستئریللشدیریلمیش سوبسترات الده ائتمیش اولورسونوز.