Вы вырошчваеце чатырохлістую расліну на шчасце – марсілея чатырохлістая (Marsilea quadrifolia)

Марсілея чатырохлістая (Marsilea quadrifolia) ёсць расліна-папараць, з лісцем у форме чатырохлістніка. Вам не здаецца, што словы расліна-папараць і чатырохлістнік не суадносяцца адно з адным? З дакладнасцю наадварот, усе гэтыя словы выдатна характэрызуюць незвычайную, дэкаратыўную, садаводству практычна невядомую, расліну.

Марсілея мае доўгае карэнішча, якое нагадвае шнурок ад чаравікаў. З карэнішча вырастае доўгачаранковае плаваючае лісце, кожны ліст падзелены на чатыры пялёсткі правільнай формы і на першы погляд нагадвае чатырохлістнік канюшыны. Увосень вымаючы карэнішча з вады Вы можаце пабачыць невялікія “даважкі” велічыні фасолі, у якіх захоўваюцца споры – менавіта праз іх можна вызначыць, што гаворка ідзе пра папараць. Яна расце ў багатых пажыўнымі рэчывамі натуральных і штучных водных рэзервуарах усіх кантынэнтаў, апроч Паўднёвай Амерыкі, была завезеная ў Паўночную Амерыку, дзе лічыцца раслінай-агрэсарам. У Польшчы на натуральных месцах вырастання яна вымерла, ёсць спроба вяртання ў экасістэму на возеры Гачалкавіцкім. У Славаччыне яна расце на 7 месцах у басейне ракі Латорыца. Калісьці яе таксама можна было сустрэць у наваколлі рэк Бадрог, Лаборец і Уг. У Чэхіі яна не расце.

У тропіках расце некалькі роднасных відаў, аднак яны цёплалюбныя і таму для вырошчвання ў нашых умовах не вельмі адпавядаюць. Некаторыя з іх вырошчваюць у акварыумах.

У культуры марсілея чатырохлістая (Marsilea quadrifolia) ёсць вельмі непатрабавальны від, для якога дастаткова якой-небудзь пасудзіны з вадой і невялікай колькасцю зямлі з саду. Вы ўжо без праблем можаце яе вырошчваць у ванне памерамі 20×20× 10 см. І цэлы год звонку (не вымярзае). Дзякуючы сваёй непатрабавальнасці і лёгкаму спосабу развядзення яе можа вырошчваць кожны чалавек у кожным месцы (нават у малой ванначцы ці вазоне без зліўных адтулін у дне, на аконным парапеце знадворку).

Для садаводаў-аматараў з абмежаванымі прасторавымі магчымасцямі ідэальным вырашэннем ёсць вырошчванне ў ваннах для будаўнічага раствору (яны бываюць 60 і 80 літровыя і каштуюць каля 10 Еўра). На дно кіньце прыкладна рыдлёўку зямлі (дастаткова да 5 см на дне). Калі Вы напоўніце яе па берагі вадой, то створыце ідэальныя варункі для марсілеі. Перавагай ёсць тое, што гэтую ванну Вы можаце змясціць у зімовы сад ці ў кватэру, паблізу ад акна (найлепей балконнага), каб расліна знаходзілася на самым сонечным і цёплым месцы ў кватэры. Улетку Вы можаце вынесці ванну на балкон, які знаходзіцца з паўднёвага боку, ці ў сад.

Аднак найпрыгажэй яна будзе глядзецца ў азярцы саду, дзе дастаткова змясціць на дно трохі звычайнай суглінкавай зямлі з саду і да яе прымацаваць невялікі кавалачак карэнішча марсілеі. Аб расліне больш можна не клапаціцца – яна здолее вырасці сама. Да ўзроўню вады марсілея прыстасоўваецца сама і ад якасці вады не пакутуе. Таму Вы можаце яе вырошчваць у рэзервуары з кожным узроўнем вады (5–100 см). Марсілея даўжыню ліставога чаранка прыстасоўвае такім чынам, каб лісце плавала на паверхні вады.

Найлепей расліна размножваецца праз дзяленне карэнішча. Дастаткова невялікае карэнішча (10 см) і на працягу лета на паверхні вады ў Вас з'явіцца вельмі прыгожы «траўнік» з чатырохлістнікаў.