Mangez eus Indonezia

34 spesad mangez (Mangifera) henvroat a gaver en enez Borneo, en Indonezia. Meur a spesad a zo en arvar da vont da get, abalamour da zigoadañ ar c'hoadeier trovanel. Reoù 'zo a zo aet da netra dija, evel ar mangez Kalimantan (Mangifera casturi).

Reoù all a zo en arvar, evel Mangifera griffithi (anavezet du-hont evel : asem raba, ha romian), Mangifera pajang (asem payang), Mangifera quadrifida (asem kipang) ha Mangifera torquenda (asem putaran).

Mangez frondus (Mangifera odorata), setu ur spesad mangez poblek-kenañ a vez gounezet en Azia ar gevred. Ur c'hroazamant etre ar mangez anavezetañ (Mangifera indica) ha Horse Mango (Mangifera foetida) eo, hag anavezet e vez c'hoazh evel : kuweni, kuwini (en indonezeg); kweni, asam membacang, macang, lekup (e malayeg); kuwini, ambacang, embacang, lakuik (e Minangkabau); kuweni, kebembem (e betawi); kaweni, kawini, bembem (e sundaneg); kaweni, kuweni, kweni (e javaeg); kabeni, beni, bine, pao kabine (e maduraeg), kweni, weni (e balieg); mangga kuini (e norzhsulawesieg); evel kuini, guin, koini, kowini, koine, guawe stinki, sitingki, hitingki (en inizi Maluku).