بھارتی ساحلی درخت Pongamia pinnata

بھارتی ساحلی درخت Pongamia pinnata (دوسری زبان دے نام : ہونگی درخت، Pongam درخت، پنی گراہی) ہک مشہور درخت ے، 15 سی 25 میٹر لمبا، Fabaceae گروپ سی تعلق رکھداے۔ درخت دا سرا وڈا ہونداے جس تے چٹے، گلابی تے کاسنی پھل ہوندین۔ اس دی جاۓ پیدائش بھارت ے، لیکن ذیادہ پیداوار اس دی جنوب مشرق ایشیا چ ہوندی۔

Pongamia pinnata سخت گرم مرطوب علاقے دا درخت ے، گرمی تے سورج دی روشنی سی بچاؤ کر سکداے۔ وڈی تے مضبوط جڑاںدی وجہ نال سیلاب سی آنپڑا بچاؤ کر سکداے۔ ایہہ ریتلی پتھریلی زمین تے اگدین، چونے الی زمین بھی شامل ے، لیکن کاشت دے وخت ایہہ ہر قسم دی مٹی چ اگ سکدین نمکین مٹی چ بھی۔

عموما" ایہہ خشک علاقیاں چ اگدین تے عموما" ہوا دی روکاوٹ تے ساۓ وسطے استعمال ہوندین۔ چھال رسی وغیرہ بنڑانڑے وسطے استعمال ہوندی ے، تے کالی گوند پرانڑے زمانے چ زہریلی مچھلی دے ڈنگ دے علاج وسطے استعمال ہوندی ائی۔

اس دی جڑاں نائٹروجن دے مرکبات بنڑانداے، ہک کیمیائی عمل نال نائٹروجن گیس(N2) ہوا دے نال مل کے امونیا NH4+ (پودیاں دےوسطے نائٹروجن دی ہک قسم) بنڑانداے۔ تاہم، ایہہ کھاد پودیاں دی کاشت سی بعد اس مٹی وسطے استعمال ہوندی ے جہیڑی پودیاں دی نشونما وسطے پوری نی ہوندی۔ اگرچہ سارا پودا زہریلا ہونداے، پودے دا رس بھی تے اس سی نکلنے والاتیل زخماں دے علاج وسطے استعمال ہونداے۔ بیج دا تیل ڈیوا بالنے، صابن بنڑانڑے چ، مشین دے تیل وسطے تے ڈیزل بنڑانڑے چ استعمال ہونداے۔