Biz shıǵanaqlı veshenkanı óstiremiz (Pleurotus ostreatus)

Házirgi waqıtta shıǵanaqlı veshenka (Pleurotus ostreatus) shampinyonlarǵa qaraǵanda belgili bolıp qaldı. Basqalarǵa qaraǵanda parqlı tárepi bar – onı záhárli aq eshek zamarrıqlar menen aljastırıwǵa bolmaydı.

Bul zamarrıq vitaminlerge, aminokislotalarǵa minerallarǵa bay, adam organizmin záhárli zatlardan qorǵaydı. Sonıń menen birge ol qanda xalesterola dárejesin páseyttiredi. Zamarrıqtıń azıqlıq qıymatı pás. Sonıń ushın ol pás kaloriyalı dieta ushın jaramlı. Sonıńday rak keselligine qarsı dep te tán alınbaqta.

Shıǵanaqlı veshenkanı óstiriw qollanbası

Veshenkanı óstiriw ushın siziń eki imkániyatıńız bar – saban ústinde polietilen pakette yamasa aǵashlı shúrkelerde óstiriwińizge boladı.

Saban ústinde polietilen pakette óstiriw

Dáslep sabandı tayarlań. Sabıwdan aldın onı sterilizaciyalaw kerek, bakteriyalardan, maǵaralawdan hám de basqa zamarrıqlardan joq qılıw ushın.

Sterilizaciyalawdıń 2 usılı bar:

1. sabandı úlken ıdısqa (qazanǵa, eski kastrulge salıp suw quyamız hám 100 ^oC temperaturada 1 saat qaynatamız. Keyin sabandı 20–25 ^oC qa shekem suwıtamız.
2. ekinshi (júdá ápiwayı) usılı sabandı úlken ıdısqa salıp, ústinen qaynaǵan suwdı salamız hám suwıǵanınsha turadı. Keyin suwdı tógip taslaymız hám jáne ústinen qaynaǵan suw quyamız.

20–25 ^oC ta suwıǵannan soń saban iylewge tayar boladı. Iylew tómendegi jaǵdayda júz beriledi – úlken qapqa sabandı náwbetpe-náwbet almastırıp taqlanadı hám maydalanılǵan iylengen substart. Bir qadaqlanǵan iylengen substart 15–20 kg sabanǵa jeterli bolıp, 50×100 sm polietilen paket ólshemine tuwrı keledi. Paket tolǵannan soń awzın baylap qoyıń. Lezviya yamasa pıshaq járdeminde 3–5 sm uzınlıqtaǵı kesispeler qılıń, shama menen 1 pakette 10 kesispeler jeterli boladı. Eger siz egiletuǵın egindi pás ıǵallı hawada óstirmekshi bolsańız, jaqsısı kemirek kesispeler qılıń(zárúriyatqa qarap, jánede kóbirek kesispeler qırqıń). Iylewden keyin paketti yarım sayalı jerge jaylastırıń(tuwrı quyashtıń nurları túspewi ushın). 15–25 ^oC zamarrıq ushın júdá qolaylı temperatura. Temperatura qansha joqarı bolsa, zamarrıqlar sonsha tez ósedi(sabandaǵı paydalı zatlar da sonsha tez sarp etiledi). Sonıń ushın da sizge qansha veshenka zárúr bolsa, temperaturanı mastalstırıw kerek. Eger zúráát kereginen artıq bolsa, olardı suwıq jerge alıp ótiń. Eger kóbirek zúráát kerek bolsa, olardı ıssıraq jerge kóshiriń. Veshenka 3–4 ay hasıl beredi, keyinirek pakettegi paydalı zatlar kemeyedi hám jańa mádeniyattı júzege keltiriw kerek(bunı jańa sabandı eski sabanǵa iylew jolı menen qılıwǵa boladı). Bir 2–4 kg ǵa shekem zamarrıq óstiriw múmkin.

Aǵashta óstiriw

Tábiyatta shıǵanaqlı veshenka japıraqlı tereklerdiń aǵashında ósedi. Sonıń ushın siz onı 30–80 sm shúrkelerde óstiriwizge boladı. Shúrkelerden bárshe japıraqlı terekler(tikenli emes) tuwrı keledi. Aǵash yarım jıldan kem saqlanbaǵan bolıwı shárt. Shúrkelerdi iylewdiń kóp usılları bar. Tiykarǵısı, egiletuǵın egin aǵash penen baylanısta bolıwı kerek. Sebebi, zamarrıqtıń talshıqları aǵashta ósiwi kerek. Shúrkelerdi oyıń hám egewish penen kesispeler payda qılıń, keyin usılarǵa iylengen substartlardı jaylastırıń. Soń shúrkelerdi qapqa salıń hám 2–3 ayǵa zamarrıq tamırshaları ósiwi ushın qaldırıń. Sonnan keyin ósip shıqqan miceliyalı shúrkelerdi baǵdıń salqın jayınıń 3/1 ne jaylastırıń. Eger qurıp qalsa, suw sewip turıń. Hasıldı shúrkelerden 2–5 jıl jıynawıńız múmkin(aǵashtıń azıǵına baylanıslı).

Veshenkanıń egiletuǵın egini sawdada

««« Aldıńǵı maqala: Biz jańa gazon ornatamız Keyingi maqala: Kolarado qońızı NOVODOR FC ǵa qarsı »»»

Shembi 3.10.2009 17:01 | Baspa | Zamarrıqlar