Hind lotosı (Nelumbo nucifera)

Hind lotosı

Lotostıń gúli Hind lotosı (Nelumbo nucifera) – bul ájáyıp suw ósimligi bolıp ıǵal bolmaytuǵın jasıl kúl reńli japıraqları hám qızǵılt gúlleri bar. Buddistler olardı diniy máresimler ushın paydalanadı. Ósimlikti barlıq bólimin jewge boladı (birinshi náwbette awqatqa tuqımları hám jer ǵozaları isletiledi), ol Qubla-shıǵıs aziyanıń hár qıylı awqatların tayarlaw ushın isletiledi. Bul batqaqlı ósimlik bolıp, suw liliyasın ósirgendey qılıp óstirse boladı. Bizde lotostı óstiriw qıyın emes, tek ǵana onı biliw kerek.

„Egiw“den aldın tuqımlardı azǵana najdak penen islew beriw kerek, sebebi olardıń joqarǵı bólimi ulıwma suw ótkizbeytuǵın nárseler menen sińdirilgen. Eger olarǵa suw jetip barmasa tuqımlar ulıwma shıqpaydı.

Najdak penen islew berilmegen tuqım ónimdarlıǵın mıń jıl saqlap qalıwǵa boladı, eger siz najdak penen islew bermesten olardı ibitip qoysańız ónip shıǵıwǵa deyin siz 1–2 jıl kútip turıwıńız kerek boladı.

Lotostıń ónip shıǵatuǵın tuqımları

Najdak penen jeterlikshe islew berilgenligin qalay bilsek boladı? Jeterlikshe islew berilgen tuqım 24 saat ishinde óz ólshemin eki máretebe úlkeytedi. Eger bul júz bermese, tuqımdı najdak penen jáne azǵana islew beriń. Hám jáne eger 24 saat ishinde óz ólshemin úlkeytpese, islew beriwde dawam etiń.

Olarǵa tek ǵana suw zárúr…

Najdak penen islew bergennen soń tuqımlardı suw salınǵan ıdısqa jaylastırıń 20 °C temperaturada da tuqımlar 24 saat ishinde óz formasın eki ese ózgertedi. Baslanıwına 27–28 °C temperatura qolaylı. Usı temperaturada ósiw tez júz beredi, bir hápteden keyin siz ósimlikke japıraqları menen iye bolasız. Foto hújjetlerdi qarań 

Birinshi japıraqları ósip shıqqanna keyin ósimlikti batqaqlı substartqa egiw kerek, yamasa mayda taslı shege(akvariumda isletiledi) hám barlıq ósimliklerdi rezervuarga (akvarium, háwizshe) 30 sm den kem bolmaǵan suw ishine jaylastırıń. Eger substart sıpatında siz akvariumlı mayda taslı shege isletseńiz, siz lotostı akvariumda balıqlar menen óstiriwińiz múmkin. Áste-sekin ósimliktiń ósiwi menen keńirek jer kerek boladı. Siz onı muzlap qalmaytuǵın jerde qısqı baǵdıń háwizshesinde, ıssı xanalarda hám usıǵan uqsas jerlerde óstiriwińiz múmkin. Óstiriw ushın 20–35°C temperatura jeterli boladı, watanlaslarımız ótkizgen amplitudanıń pás temperaturaǵa maslasıwıǵa májbúr, lekin lotosqa bul hesh te kesentlik etpeydi. Jazda lotostı kóshedegi háwizge shıqarıwıńız múmkin, biráq qısta onı ishkerige kerek bolǵanda suw liliyasına uqsap ıǵallı podvalǵa kirgiziwińiz múmkin. Óstiriw ushın eń maqıl sheshim qurılıs qarıspaları ushın vannalarda (bular 60–80 litrli boladı hám 10 evro átirapında satıladı). Ósimlikti substart penen (batqaqlı yamasa akvariumlı mayda taslı shegelerge) vannaǵa qoyıń. Qashan onı suw menen toltırsańız, lotos ushın júdá qolaylı sháráyıt jaratqan bolasız. Bul vannanıń qolay tárepi sonda, bunı qısqı baǵ yamasa xanaǵa, ayna aldında (jaqsısı balkonlı ayna aldında), ósimlik xananıń eń quyashlı ıssı jerde turıwı kerek. Jazda vannanı qubla balkonǵa yamasa baǵqa shıǵarıwıńız múmkin. Sonday etip lotostı panelli úyde de óstiriwińiz múmkin!

««« Aldıńǵı maqala: Cherimoya (Annona cherimola) Keyingi maqala: Suwıqqa shıdamlı palma (jabayı palma) Rhapidophyllum hystrix »»»

Shembi 3.10.2009 08:34 | Baspa | Batpaq hám suw ósimlikleri