Ku Cala Mbowa ya fa makwati (Pleurotus ostreatus)

Mbowa ye bizwa Oyster mushroom, yona ye melange fa makwati (Pleurotus ostreatus) mazazi a iatile kufita mbowa ya luli (champignon mushroom)! Haibapanyiwa ni mbowa yeñwi, mboya ya yeo kiyende kakuli yona haikoni ku hakanyiswa ni ye bulaya ye bizwa “death cap” (Amanita phalloides).

Mbowa ye mela fa makwati (Pleurotus ostreatus) inani livitamini zeñata, li-amino acid ni li-mineral, ze sileleza mubili kwa lika ze maswe. Hape ifukuza kwa mafula mwa mubili mi itusa hahulu kubaba sa ci lico zeñata kakuli haina hahulu mafula. Hape ku lumelwa kuli inani maata a ku lwanisa kansa.

Ketelelo ya mwaku calela mbowa ye mela fa makwati (Pleurotus ostreatus)

Mbowa ye ikona ku caliwa ka linzila zepeli – fa bucwañi mwa pulasitiki kapa fa likota.

Ku cala fa bucwañi mwa mapulasitiki Mu baakanye pili bucwañi. Bunani ku keniswa ku bulaya teñi bukokwani ni lika zeñwi ze maswe. Mukona ku eza cwalo ka linzila zepeli:

1. Mu beye bucwañi mwa sibyana sesituna (ketele kappa pani ya kale) niku sela teñi mezi, ku ombeka bucwañi. Mu bu bilise hola, 100 °C. Hasemu felize mu folise bucwañi, ku fita fa 20–25°C.
2. Nzila ya bubeli (ye bunolo) kiye: Mu beye bucwañi mwa sibyana sesituna ni ku sela fateñi mezi a bila. Mwa kona cwale ku sebelisa bucwañi hasebu folile ku fita fa 20–25°C.

Cwale mu beye sikope-kope sa mbowa ni bucwañi mwa pulasitiki ye tna – ku shobanisanga ku eza bucwañi, mbowa fahalimu, bucwañi, mbowa fahalimu – cwalo-cwalo. Hamukani likilo ze 15 kuisa 20 za bucwañi, mukotana ulimuñwi wa mbowa ulikani (ikakwana mwa mukotana oeza lisentimita ze 50×100). Mukotana haseu tezi, mu tame ni ku eza teñi masuba a lisentimita ze talu kuisa 5.

Haiba mu cala mbowa koku omile hahulu, mwa kona ku eza masuba a manyinyani fela (mwa kona ku eza masuba amañata hasamulaho haiba ku tokwahala cwalo) kuli bucwañi busike bwa oma. Hasemu cezi, mu beye mikotana mwa mulutinyana kuli isike ya natiwa hahulu ki lizazi.

Mbowa ye melanga fa makwati ihula mwa mufutumala o eza 15 kuisa 25 °C. Haku futumala hande, mbowa ihula kabubebe. (Nihaike haku futumala hahulu mezi a oma kabubebe kwa bucwañi.)

Kacwalo ku butokwa ku zamaisa mufutumala o tokwahala. Haiba mbowa izwala hahulu kufita momu tokwela, mu ibeye moku bata hanyinyani. Hamu tokwa yeñata mu itutiseze hape koku futumala! Mbowa ye mela fa makwati izwalanga hamulaho wa likweli zetalu kappa zene, hamulaho wa foo, mununo wa teñi wa fela mi mu tokwa ku cala sinca (mu kona ku eza cwalo ka ku itusisa fela ku ya kale) Mukotana ulimuñwi ukamifa mbowa ye fita fa likilo ze peli kuisa ku zene.

Ku cala fa likota Hañata mbowa yeo i melanga fa likota za matali. Kacwalo mwa kona ku icala fa likota, lisentimita 30 kuisa 80. Mwa kona ku itusisa likota ze shutana-shutana zenani matali (kono isiñi ze shoshela kabunolo!). Likota lisike zaba za kale ku fitelela likweli ze 6. Kunani linzila ze shutana-shutana za ku cala mbowa yeo fa likota. Ku butokwa hahulu kuli mbowa itome fa kota luli kuli imele fa kota. Mu tome masina a mbowa mwa mubu ku fitelela hanyinyani licika mwa gadeni ya mina mwa muluti. Hai omile, mu sele teñi mezi. Mu kaba ni mbowa mwahalaa lilimo ze peli nize ketalizoho (kakuya ka moi nunezwi kota).

Ku lekiswa peu ya mbowa ye melanga fa makwati

««« Taba ya kwamulaho: Nzalu ya Parajubaea torallyi (Palma Chico, Muselo wa nzalu wa mwa malundu a kwa Bolivia) Taba ye tatama: NOVODOR FC Ilwanisa Likombombo leli ca makwili la kwa Colorado »»»

Pelekelo 23.12.2023 19:19 | Ku printa | Mbowa