Тюрьхтяма снавонь буканят каршес

Аш мезенкса азондомс снавонь буканят колга. Ня ёмла буканятне (3–4 милиметрашка), конатне васьфневихть эрь мъргаса снавонь ёткса.

Афпараморхне эвондайхть сембе снавоннень потмоса. Эрь кодама снавоннень сорттть ули сонь башка сёронь буканяц: бабань снавть – бабань снавоннесь, снавть – снавоннесь, цецяпть – цецямоннесь…

Вьрьгятемда меле снавса эвондай варянят, снавсь арай пялес шавакс, кенерьф буканятнень мельге кадовихть оцю варянят. Мъзярошка буканянь юросна (кепотьксонди, бабань снавоннесь эди сёроннесь) сембода лама кастяйхть ванфтф сёронди (ванфтома вастса синь сембода пара эрямасна), тянь лангс аф ваномок синь вьрьгятихть касыкснень лангс тяда иногле, мъзярс синь пандесольхть.

Сяськомс мархтост ули кода тёждяста ди сатфксу (сатфкссь 100%!).

Видеши 6.9.2010 13:07 | принтерс кучема | Зиян каннихне

Колорадонь буканясь NOVODOR FC каршес

Колорадонь буканять (Leptinotarsa decemlineata) эрь содасы. Сембе содайть сон кастяй модамарь, «кимиеда» башка сонь машфтомс аш кода. Интай кържа ломаттьсодайхть тяни улихть пара биоменькст (препаратт), конань мархта сон тейнек ёфси аф пелькс.

Видеши 6.9.2010 13:06 | принтерс кучема | Зиян каннихне

Пальма Parajubaea torallyi

Parajubaea torallyi var. torallyi видьмот

Parajubaea torallyi сембода мазы ди таза Лямбеширень Америконь пальматнень эзда фкясь. Тон ашеть куле? Аф дивандафты тевсь. Видьмонза пяк шуроста ускихть Явропу сяс мес синь пяк оцю (ускомась пяк питни). Сонь ули кода няемс аньцек Боливиеса.

Видеши 6.9.2010 13:04 | принтерс кучема | Пальмот

Шурьхкянянь эди касыксонь озафтома

Рамаф касыксне (керфкст), конатне тондейть почтова вельде кучфольхть, ашкоркс каясемда меле путт эшксс, 2–3-шка шис. Тондейть тага улихть кода синь эстокиге озафтомс, меле синь мезьса-мезьса тавадомс катошка шис дней (кагодса, лазса) синь виде шинь сюрелда араламанди. Илякс синь арайхть пужевикс, кастявикс виде шивалда сюнеда.

Видеши 6.9.2010 11:56 | принтерс кучема | Касфтомань вятемовалхт

Касфттама пепино

Пепиноть шачема мастороц (касыксонь содамать коряс лемоц Solanum muricatum) улема Перу эли Колумбие. Тоста сон срадсь сембе Латинонь Америкова, нъльне сяда ичкози. Тяни сонь касфнихть сембода лама Боливиеса, Эквадорса ди Од Зеландса.

Видеши 6.9.2010 11:54 | принтерс кучема | Экзотиконь касыксне, Касфтомань вятемовалхт

Якшама кирди пальма (кажзеель / дикобразонь пальма) Rhapidophyllum hystrix

Rhapidophyllum hystrix касыкст

Кажзеелень пальма (Rhapidophyllum hystrix) тя сембода якшама кирди пальмась масторлангса, фкя ажа Rhapidophyllum юроть сортоц. Вирьса сон васьфневи шяйналга Америконь Сотксть лямбе-шистямаширеса. Теенза кирдеви кельме – 20 °C –шка, ди сонь ули кода касфтомс ушеса, переса минь климатсонк. Сон тага аф пяк сери (максимум 1–3 метра) ди мазы пондоц лама оцю салмоксонь мархта.

Видеши 6.9.2010 11:51 | принтерс кучема | Пальмот

Индиень бук Pongamia pinnata

Pongamia pinnata

Pongamia pinnata (Indian Beech Tree, Honge Tree, Pongam Tree, Panigrahi) лопань прашенды шуфттнень эзда фкясь куфтолоттнень тъналста (Fabaceae), конатне сашендыхть Индиеста, сонь тага сидеста касфнихть Пелешинь-Шистяма Азиеса.

Сон уленди 15–25 метрашка серес эди сонь пяк шову пряц. Панчфкянза пяк шовине пусмань-пусмань, акша, розань эли сыияф тюсса.

Видеши 6.9.2010 11:45 | принтерс кучема | Экзотиконь касыксне

Табаконь шуфта (Nicotiana glauca) – пара балкононь касыкссь

Табаконь шуфта эли пижезе табак

Ломанень мяльсь мушендомс мезеге од, апак тонатфт, аф содаф фалу сяськи. Эрь перень кирди ёрай касфтомс перезонза мезевок апак няйхть, мезень киньге аш… Сяс панчфонь вачарса эрь кизоня лама од сорттне, фалу мушенды мезеге од перень кирдиеть “потмонц шяемац потафтоманди“. Интай мишендема вельде од сафне курок арайхть «эрьшинь ассортиментокс».

Видеши 6.9.2010 00:39 | принтерс кучема | Экзотиконь касыксне

Дивандафты вельвичия (Welwitschia mirabilis) – касфтт эряй кевонзафкссь

Дивандафты вельвичия (Welwitschia mirabilis) пяк кунардонь касыкс, тяниень пингста сон касы аньцек фкя аймакса, шавмодаса Атлантиконь оцюведьжиреса, Намибиеса ди Анголань лямбеширеса. Тя шуфтсь, интай сонць шуфтонь лангс аф шары. Марнек касыкссь тя покаряв пондась (сонцьке ащи сонь юрокс) эди кафта лопаста, конат шарыхть кафта пувордаф понафкст лангс 2–4 метрашка кувалмос, сяс вельвичия шары шукша пря лангс. Вага ня лисенди лопанза, синь фалу касондыхть, кулсихть ди пужихть песнон тървасост.

Таргжи 5.9.2010 13:55 | принтерс кучема | Экзотиконь касыксне

Черимойя (Annona cherimola)

Мекольце пингть Явропу усксихть пяк мяльстуи кумокань имошт. Мондине савсь рамамс эди варжамс черимойа имошта. Лавкава синь пяк шурот, интай сонь цебярь таньфоц эди курок сон арай фалу мишендевикс.

Черимойясь тя сембода сидеста васьфневи (Annona cherimola) шуфтть иможенц мишендема лемоц. Тя шуфтсь касонды Андонь лашмава 1500 метра моря лангта вяри Колумбиеста Перус. Сон кирди кельме сяда ала вастовок, сяс ули кода мумс черимойять лама лямбе масторлангонь вастова, Израильса ди Лямбеширень Испаниеса. Тя юрс сувсихть 120-шка сортт.

Ёткши 4.9.2010 11:36 | принтерс кучема | Экзотиконь касыксне