Китаень чай кофкс – касфтт эсь чайсь!

Тялонь песа эрь пара перень кирди кармай арьсема, мезе сон касфты-кирди сай сёксенда сезоне. Тонь мольсь мяльце зирнямарьхть-помидорхт, борзи, куярхт касфтома эрь киза? Ёрат касфнемс мезеге одня? Мяльце аф ламня экзотиксь? Улема, тядде касфтомс эсь чайсь?

Чай юрс (Camellia) сувсихть 50-шка сорт яланьпиже кумокань эди кумокань алань кофкст, стане ина аф сери шуфтт, сембода содаф синь эзда (Camellia sinensis) китаень чай кофкссь. Тя пяк сире васу касыкссь, конась сашенды пялешинь эди пялешинь-шистямань Китайста ди шабрань Индиень, Бирмань, Вьетнамонь ди Лаосонь аймакста, коса синь касфтыхть мъзярошка тяжятть киза. Тянь лангс аф ваномок сон касы масторлагонь кумокань вастова, сембода содаф сонь касфтыкс лувовихть Китай, Индие, Шри Ланка ди Япунмастор.

Чай кофксонь видьмот

Эсь чай касфтомась аф стака минь климатсонк. Сембода эрявихть од видьмот, сяс мес чай кофксонь видьмот курок юмайхть лисезевомшкаснон. Шарня лаца видьмот 2–3 ши озафтомада инголе эрявихть начкафтомс. Меле эряви озафтомост васле модас.20–25 С° псилмоста синь лисезевихть 2–4 таргада меле. Шинь вастса од кофкст касыхть пяк курок, пялекизода меле улихть кода валом-валом лопатнень кочкамс. Лацкаста лопань кочкамда тондейть улихть мазы кофкс эди чай лопат эсь чай анокламанди.

Кизонда чай кофкс пара касфтомс ушеса: переса эли балконца. Пси киза эди цебярь ведьса валондома, эста од чайти ули пара кода эсь кудса, Китайса. Переса эли балконца касфтф чайсь кумокань чайда аф танцти, интай сонь касфтомась пяк кеняртьфти, сяс мес панжема пингста сон вельхтяф оцю лов акша панчфса. Тялонда путт чай кофкс вальмалангса. Сон яланьпиже, сяс тялонда теенза аф саты валдода, тялоньберьф сон кармай пужема ди лопанзон прафтома. Сёксенда сон вельми ди курок пъчкай, тонга кармай тага эсь чай кочкама.

Сай сёрматфкссь: Кшинь шуфта Artocarpus odoratissimus »»»

Шумордамши 30.7.2010 22:16 | принтерс кучема | Экзотиконь касыксне