Калимантанста мангось, Кастури - Kasturi (Mangifera casturi)
Калимантанста мангось (Mangifera casturi) эли Кастури – Kasturi, кода теенза мярьгихть тостонь эряйхне, тя кумокань (тропиконь) шуфтсь 10–30 м сереса, конась васьфневи аньцек фкя вастса, Банджармасин маласа Лямбеширень Борнео цёнгаса (Индонезиеса). Тяниень пингста салавань вирень керомада сон юмась масторлангста. Интай сонь касфтсаськ перева сонь танцти иможенкса.
Калимантанста манготне (Mangifera casturi) аф пяк оцюпт иля манго сортонь ваксста путомда . Эрь имож 50 – 84 грам. Аф кенерьф имошне пиже тюссонь, мъзярда кенерихть синь тюссна арай таравокс (коричневайкс) эли сыияф-равжань, валдопты ланга мархта, сыияф тюсса валф. Тюссонза ащихть Кастури манго сортада (M. casturi). Улихть 3 регистрацие мархта сортонза Mangifera casturi Кастури (Kasturi), Мангга Кубан (Mangga Cuban) ди Пелиписан (Pelipisan). Сембода содаф тя Кастурись (Kasturi) сонь пара шине сюнеда. Мангга Кубан (Mangga Cuban) ди Пелиписан (Pelipisan) сидеста лувихть башка сортокс. Интай васьфневи Пелиписан (Pelipisan) ламбама шине мархта Кастури лаца, стама имошне сидеста Кастуринь (Kasturi) гибридсна. Эряви васенда лацкаста ванондомс сонь статусонц шарьхкодеманди.
Иможень пукшесна тюжя-якстерь, сяльгоню, пяк танцти ламбама шине мархта. Кастури манго ваксс путомда (Mangifera indica) няеви: кастури аф сяда ламбама, аньцек сяда вии ляпе шине мархта. Кастури иможень пукшесна пяк сяльгоню.
Кастури (Kasturi) пяк содаф Лямбеширень Борнео ценгаса эряйхнень ёткса ди синь шабраснон ёткса. Иможень шинесна тяфтама цебярь, кунара ломатть арьсесть мора: “Seharum kasturi, seindah pelangi, semuanya bermula.” мокшекс: “Вай, кодама танцти, кода кастури, мазы кода атяъмёнга. Тя кельгомась кармай якама. ”
Салавань вирень керомать эзда тя сортсь юмась. Эзрай Калимантанста маногонь шуфттненди улихть кода юмамс лама шуфтонь анокламань сюнеда. Тостонь эряйхне шуфттнень касфтсасть синь кудонь ди вирень переснон эса.
Иля кумокань (тропиконь) иможень шуфтонь ваксс путомста Калимантанста мангось касонды пяк валом, сяс сонь аф касфнесасть оцю плантациева Индонезиеса. Калимантанста мангонь плантациетне васьфневихть аньцек Матараман (Mataraman) аймакса, Банджар (Банджар (Banjar) районца ди Банджарсамин (Banjarmasin) районца (ся башка райоттне). 1980 кизоня Матараманэряйхне тяряфтсть аф оцю вастса сортть касфтома, васень имошне синь кочкасть аньцек 2005 кизоня. Имошнень вельфсатыксонь лангс аф ваномок, синь аф сатсть сембе вешфкснень.
Калимантанста манго моли аньцек шуфтонь ди иможень анокламанди. Тянь лангс аф ваномок эзрай шуфттне диаметраса 1 метр, банджархт (тостонь ломаньтъналонь полгат, конат эряйхть Лямбеширень Борнео цёнгань потмоса ди иневедьжиреса) кочксихть аньцек имошт валом касомань сюнеда. Сяс банджархне кочксихть иля шуфттнень сортсна шуфтонь анокламанди, сякот эли сяда парот. Имошнень кочксемась аф пяк тёждя, сяс мес Кастури шуфттне пяк серихть, эряви кувать куцемс вяри, модас праф имошне аф парот ди сидеста пяк уцез.
Имошне улихть кода ярхцамс верокста эли захар мархта пидеф (Кастури марьпидефкс). Интай синь аф фалу мишендевихть, сяс мес перень кирдихне синць синь ярхцсасть. Улихть иля мангоста тиф нолдафкст: пюре, конфитюр эли додол – dodol (тостонь цюкорнят). Интай ня нолдафксне шуроста васьфневихть, сяс мес банджархне синь пяк кельгсасть. Имошне питнихть, интай банджархне содайхть иможень таньфснон питнесна!
««« Сядынгольдень сёрматфкссь: Манготь сортонза Индонезиеса Сай сёрматфкссь: Манготь видьмоста касфтомась »»»
Вержи 1.6.2011 15:01 | принтерс кучема | Экзотиконь касыксне
КПР клупть колга
Азонтт тонь касыкснень касфтомань- перень кирдемань содамошицень. Тяштть сёрматфкс тянь колга эди нолдак сонь Ботаникс журналса тонь шачема кяльсот! Сотнек мартонк лама ниформацие кундаманкса.