Касфтсаськ ниле лопань касыкс парс – ниле лопань марсилия (Marsilea quadrifolia)

Ниле лопань марсилиясь (Marsilea quadrifolia) тя карёлкссь ниле паця лопань мархта. Шятьта тондейть арам валсь карёлкс эди ниле лопань касыкссь аф пяк фкат? Аф стане, ня кафта валхне пяк лац мярьговихть тя аф тонатф, мазоптомань, перень кирдихненди нъльне аф содаф касыксонди.

Марсилиять кувака юроц пиксоня лаца. Тяста касондыхть лопат, конат уихть ведь лангса, синь ниле пацясна, васень ванфти синь шарахть ниле лопань варсиеньбал лангс. Сёксенда, юроть ведьста таргмда тон няйсак бабань снавшка ёмла пилекст, тоса улихть путьконза, синь коре содавихть карёлкссь. Сон касонды вирень эди тиф эрьхкова сембе марсторпяльксова Лямбеширень Америкта башка. Кельмеширень Америкс сон усксть, аньцек тяни сон тоса лувондови вьрьгяти касыксокс. Польшань вирьга сон кулсесь эди тяни сонь тяряфнихть мърдафтомс Гочалковицки эрьхконь экосистемас. Словакиеса сон касонды 7 вастова Латорица ляйге. Кунара сон васьфневсь Бодрог, Лаборец ди Уг ляйге. Чехмасторса сон аф касонды.

Кумокань вирьга касондыхть кържа сонь юрстонза сортт, интай синь пяк лямбонь кельгихть, сяс мес аф яраштыхть минь климатзонк. Мъзярошка синь сортонза косфнихть аквариумга.

Касфтыенди ниле лопань марсилия (Marsilea quadrifolia) пяк васу моли, теенза саты эрь кодама ведь ди аф ламне переста мода мархта кядьге. Сон пара касы 20×20× 10 сантиметрашка. Сон тага машты касомс ушеса кизоньберьф ди аф пели якшамда. Сонь тёждя касфтоманц эди кирдемшканц сюнеда сонь ули кода касфтомс эрь ломанти эрь кодама вастса (нълтне ёмла шаваняса эли варяфтома панчфонь сяканяса вальмалангса).

Перень кирдихненди, конатнень аф пяк лама васта переса пара сонь касфтомс марамань шонгаркста меле сюмаса (синь улихть 60 ди 80 литра, питнесна 10 Еврошка). Каяк кайме мода (5 сантиметрашка саты). Сюмать ведьса пяшкотькшнемада меле тон тисак сембода пара марсилиянди. Асусь тянь эса тя сюмать ули кода кандомс тялонь перес эли кудс (сембода пара балкон вальмя ваксс), эста касыкссь ули сембода валда ди лямбе кудонь вастса. Кизонда сюмать ули кода путомс лямбешире ёнонь балкону эли перес.

Нама, сембода мазыста сонь касфтомс перень эрьхкеса. Тоза саты путомс потмаксс сёвонь мархта мода ди петфтамс марсилиять юронц пакшец. Мельганза аф эряви сяда тов ваномс, сон сонць кармай касома. Сон тонады ведень серенцты, кодама повсь ведсь тейнза фалу пара. Сянкса сонь ули кода кърхка эли алка ведень вастса (5 сантиметраста –100 сантиметрас сявомок). Марсилиясь сонць полафни лопанзон почконц кувалмоц сонь лопанзон ведь лангса уемста ащеманди.

Сембода пара сонь озафнемс юронь пакшеса. Аф куваконе юрсь (10 см) саты ди кизонда тонь перень эрьхконяса улихть мазы ниле лопаннень «лядефкс».

««« Сядынгольдень сёрматфкссь: Индиень лотос (Nelumbo nucifera) Сай сёрматфкссь: Черимойя (Annona cherimola) »»»

Шумордамши 3.9.2010 15:33 | принтерс кучема | Ведень эди шяень касыксне