Пепиноть шачема мастороц (касыксонь содамать коряс лемоц Solanum muricatum) улема Перу эли Колумбие. Тоста сон срадсь сембе Латинонь Америкова, нъльне сяда ичкози. Тяни сонь касфнихть сембода лама Боливиеса, Эквадорса ди Од Зеландса.
Явропу пепино повсь 1785 кизонянь эшка. Васенце пепино касфни явроперяйхнень ётксоль Людовик XVI, англань Оцязоронь перень кирдема пуромкс Кьюса (Kew) (Лондонца).
Лямбеширень индейхть теенза мярьгихть качума (cachuma). Минь теенза мярьктяма пепино, испаттнень мельге, испанокс тя «салат куяр». Англонь лемоц melon shrub «дура-куяр кофкс» эди тя лемоц теенза сяда мала сонь таньфонц коре.
Пепинось тя кофксь, касы 1 метрашка серес. Сонь шачема масторса сон лама кизонь кофкссь, конась касонды 2500 метра моря лангта вяре. Минь касфтсаськ кода фкя кизонь касыкс. Сонь панчфонза шарыхть модамарень панфонзон лангс, синь сыияф тюсонь эли акша сыияф тюсонь кикст мархат. Касыкссь кафта симанксонь, интай пара иможияманди эряви поладомань панчфонь почфонь полафнема (верокскудса).
Перень кирдиенди пяк мяльстуикс ащихть сонь иможенза. Синь авокада форм коре (оцю груш) 15 сантиметрашка оцю. Синь пяк танцти шини, ламбамаза, сидеста тюжя тюссонь, бежень тюссонь, киксу шобда сыияф тюссонь, сидеста видьмофтема. Ярхцамбяльти парот ишекс, стане ина рястаф, ведь мархта рястаф…
Иможензон улихть кода ярхцамс ишекс, фруктонь саладса (пакшкява керсеф эрь кодама фруктт лимон ведь, сембе фруктт – перень эди экзотиконь парот тяфтама саладти). Ведь мархта рястаф пепино сембода сидеста моли нанксокс (гарнирокс). Рястаф пепино пара моли омбоце ярхцама пялькс.
Тон арсят пепинось таньфтома? Ули кода сонь петемс (полатт корица, анезь тише, анис; лимононь, нильжиремарень (гранатонь) ели маракуянь ведь – кафта мекольце иможне улихть кода касфтомс видьмоста минь Видьмонь Лувомаста.Импорт). Улихть кода синь кудса анокламс ламос ванфтоманди (башка эли иля лямняксонь мархта кепотьксонди: зирнямарь, паприка мархта эли фруктонь мархта).
Пепинонди модась пяк эрявикс, кода эрь кумокань лемняксти (кепотьксонди паприка, зирнямарь). Васенцеда сон эряви тёждя, васле, ваи, фалу начказа. Касфнема варжаматнень коряс сембода пара иможиямась 40 литрашка кядьгоняса (фкя касыксти), модать эряви тавадомс шкаень кагодса (тонь улихть 40–45 имошт эрь кизоня).
Сонь кастыхть стане ина кода, кепотьксонди, зирнямарьхть. Вегетациень пингста пара сонь паранзамс фкя таргас весть. Сембода пара Harmavit паранзама (сонь ули кода рамамс эрь перень кирдема лавкаса). Тя паранзамась кондясти модати эли лопанди.
Пепинось касфтыхть 15 сантиметрашка кувака керфкста. Синь эрявихть кочкамс февральковста – марковста. Сяда курок юрыяманди ули кода поладомс касомань стяфнемась. Меле озафтт синь шуварс верокскудса или кудса. Ковда меле синь юрыяйхть. Од касыксне кярьмодихть панжемас колма ковс юрыямада меле. Пепиноть ули кода касфтомс видьмостонза. Интай тя касфтомась аф пяк пара сяс мес иможстонза лисендихть кържа видьмода. Видеф пепинонь иможенза керфкста касфтфоннеда кальдяв.
Пепинонди пелькс стама ина сярядемат эди кастяйхне кода иля сонь юроннетненди (зирнямаренди, паприканди). Сембода сидеста васьфневи модамарень куштафкс Phytophthora infestans. Сонь каршезонза ули кода тевс нолдамс Kuprikol 50 (концентра циесь 0,6 %, илякс 60 грамма 10 литра ведти; пингсь мъзярда пелькс ярхцамс иможда 7 ши) эли Dithane M 45 (концентрациесь 0,2%, илякс 20 грамма 10 литра ведти; пингсь мъзярда пелькс ярхцамс иможда 21 ши).
Тялонда пепиноть эряви кирдемс лямбоса (верокскудса, кудса и с.т.). Эряви псилма аф 5 ºC-та кържа. Тунда авань касыстонза кочкак керфкст юрыяманди, сире касыксне пароль машфтомс, сяс мес синь сяда тов касфтомась арай асуфтомакс.
Мон лувомасон пепинось аш сяс мес сонь пъцтай фалу мишендихть ди ламонь тинь эздонт тя аф пяк мяльстуи. Тяда башка пепинось аф питни –1 Еврошка.
Printed from neznama adresa