Вачаронь экономика самда меле састь лама полафнемат. Синь эздост фкясь велень сокамань-видемань нолдама виияфтомаль, сембода эрявикс ёнокс арась нолдамань асусь ди нолдайхнень пялькстамась мишендема-рамамаса. Перень кирдемаса сембода оцю кизефксокс арась лац мода касфтомас нолдамась, тя асусь няфни перень шуфтста ёмла кофксти ётамань лангс. Сяда ёмла пря шуфттнень касфтомать нама ули лама асуда, покамада аф пяк лама ди имошнень таньф цебярьгофни. Ала пря марлюфненди мярьгихть «виде кштирь», «вельф виде кштирь», «шинь ось» (solar axe) ди илят. Сембода пара ди сидеста васьфневи «виде кштирь» марлю.
«Виде кштирь» пара форм оцю нолдаманди, стане ина перенди. Сембода лама тяниень шуфтонь ди кофкснень касфтомат нолдайхть тевс тя формсь. Сонь сидеста васьфневи марлюфнень эди грушекснень ёткса, интай сонь ули кода нолдамс тевс иля иможень шуфттненди (атямарькс, торла, шукшторукс, персик и с.т.). «Виде кштирь» марлювонь касфтыхть максимум 2,2 – 2,5 метрас. Тяфта серец тёждялгоды шуфтонь мельге ваномась эди марень кочкамась. Лац ваномда мельге минимум 80% марьда эрявихть кочкамс мода лангста. Тихтяма сидеста озафтома тяйняня ётка вельде, нолдамаса тиихть 0,8 – 1,2 метра ётка, луфнень ётка 2,5 – 3,5 метрашка, интай ся ащи тевс нолдаф меканизациеда. Тяфта улихть кода озафтомс 3000 – 3500 шуфта фкя гектарс. Тяфтама сиде озафтоманди эряви нолдамс тевс керфкст, конат касфтфольхть лафча касы эли максимум кучкань касы подвой лангса. Марлюнь стандарт подвой М9, улихть иля подвойхть, кепотьксонди: J-TE-E, F, G, H, J-OH-A, M27, MM106. Лафча касы подвойхть мархта ди синь шовине/30 – 40 сантиметрашка кърхка юрсна/ синь юрснон сюнеда эряви стане ина тиемс нежедема ди валондомбяль. Стандартокс ащи куфтолкс лазняста эли бетонста тиф палматть, конат сюлмайхть колма лувса кшни пролопса 60, 120, 180 сантиметра сереса. Тяфтама конструкциесь эряви шуфттнень прамада араламанди, стане ина кучка тарад эди шуфта прянь сюлмаманди синь касома пингста, шуфтонь понда сюлмаманди мъзярда сон марьда пяшксе. Валондоманди сидеста нолдайхть тевс путьконь валондома, конась пяк васу, ведь моли юрс ди мархтонза тага ули кода паранзамс шуфтнень. Мес «виде кштирь» цебярь:
Озафтоманди парот фкя ди лама кизонь касыксне. Кондястихть касыкскят эли васень нярятькст. Синь озафтт кода фалу инголи, аньцек ватт озафтома кърхка лангс. Привой вастонянди эряви ащемс модада 10 сантиметрашка вяри. Тя эрявикс лафча подвой касоманди, стане ина минь сортонь илякстомада аралатама.
Шуфтонь прять керсемда ди касфтомда миндейнек эряви арьсемс сай шуфтапрять колга, сяс мес аньцек лац касфтф шуфтапря мархта минь улихть сембе шуфтть асувонза. Пяк эрявикс касфтомс 2 – 2,5 метра понда, коса пара пувордафксса ащихтьсембе шуфтапря каркасонь тарадонза. Тоса ащи имож максы лудна. Тят када каркас тарадонди касомс вельф. Тянь сюнеда шуфтти ули кода прай, сонь ронгонц илякстоптоми, эста сембе эрявикс ветть молихть аф лац. Шуфтонди эряви улемс пирамидшка сонь эряфоньберьф, эста теенза ули кода шинь валда сявондемс.
Прянь керсемась тя пондань керома 80 – 90 сантиметрашка модаста вяри. Улендяряй лисфть инголи касфкст, сонь керсемс аф эряви, пондоц эряви керомс 30 – 40 сантиметрашка мекольце таратта вяри, шуфтть коряс. Сай вегетациень пингста 30 сантиметрашка вяре сон тарадыяй. Ня тараттне эряви керомс тялонда, стане ина кода меля. Пондать эряви керсемс сяда вяре тарадыямада 30 – 40 сантиметрашка вяри, тараттне аф эряви керсемс. Тапаф эли шоряй таратт улихть кода керомс. Тяфта эряфи тиемс эрь кизоня эряви серенц пачкодеманди. Кенерьф кизозонза сонь эряви аньцек аруяфтомань керсемс. Керсек пондоть мекольце алонь тарадонц коряс, керсек сяряди эли шоряй тарадкянза, стане ина подвойста лисьфне. Пяк эряви тарадонзон аф нюрьхкялгодомс. Тя вяти вельф тарадыяманди, тарадонь эчкалгодоманди, асу веттнень тушендоманди ди иможень кастяманди.
Марнек мельгеваномась тяфтамога кода иля касфтови шуфттнень форпненди. Валондомась, паранзамась, сярядемада ди колай шаштыхнида араламась пяк эрявикст, стане ина таньфонди эрявикс имошнень кочкама. Сорттнень колга ули кода мярьгомс, сембе сорттне тевс нолдавихть, иля сорттнень касфтома анцяйняда башка. Кепотьксонди озафтома пингста пяк эряви ваномс вяре шуфтса касы имошнень мельге («Рубин», «Рубинола», «Богемие», «Богемие Гольд» эди илят. Синь пяк кели прясна ди синь улихть тарадонь «шурокснеманди» тенденциесь. Сяс теест пароль васень кизонда керсема ди иля тефт, конатне вятихть валом касоманди ди имошнень ламоксть касоманди.
Цитат: Комжик, M. [Komžík, M.] (2002): Виде кштирькс марлюнь касфтомась. Минь касыксне 1/2002. кярькс. 3. КПР Словакия.
Printed from neznama adresa