Вятемовал кода видемс унжань сиви касыкст

Унжань сиви касыкснень видьмонза ванфтовихть аф ламос. Кизода меле лама сортонь видьмонза аф лисендихть.Сяс од идьмотн эрявихть видемс эстокиге кодак синь састь.

Видеманди аноклак кафта кядьге. Фкясь эздот аф10×15×10 сантиметрашка кържа (д x ш x в), омбоцесь 10 сантиметрада оцю эрь ширде. Оцюсь улема варяфтома ди мук теенза клянцек эли пластиконь валда таватксс. Ёмланясь улема 3–5 варят потмакссонза 1 сантиметрашка диаметра ведь каяманди/ваяманди. Оцю кядьготь пяшкотть ведьса, тик соньстонза аквариумня. Ёмланяс путт торфонь мода, стане ина тевс ноляви ару шувар. Начкалготф модань лангс каяк видьмотне. Мекпяли сембе видемат путт оцю кядьгос тяфтама: ведсь улема ёмла кядьготь пялесонза. Меле эряви учемс, 1 ковда меле модать лангса эвондайхть лисьфкст, конат улихть кода озафнемс эрь башка сяконява 3–6 ковда меле.

Видемада инголе видема модань анокламась

Видемада инголе эряви видема модати стерилизацие тиемс. Шуварсь саты кирдемс 10 минутшка лакай ведьса, торфсь эряви валондомс лакай ведьса ди катт сонь кельмофтема. Эса тонь ули лац видемань мода куштафкста, сордишень эди пангонь видьмода аруяфтф.