Индиень лотос (Nelumbo nucifera)

Индиеста лотоссь (Nelumbo nucifera) тя пяк мазы, мяльстушенды мистиконь ведень касыкссь улеза-пиже апак начфтт лопань эди розань панчфонь мархта. Буддати озондыхне сонь кандомс синь озондомасост. Сембе касыксонь пяльксонза кондястихть ярхцамбяльс (васенцеда видьмонза ди модань пяштенза), сон сувси лама эрь кодама Лямбе-Шистямаширень Азиень ярхцамбяльс. Тя шяень касыкссь, конась касфтови ведьгаштаз кондяма. Лотос минь климатсонк касфтомс аф стакаста, аньцек эряви содамс кода тянь тиемс.

Видьмонь «видемда» инголе синь эрявихть аф ламне шовсемс шовамкагодса: синь лангонза таватф шта лаца вайса, конац аралай видьме ведьта. Тянь сюнеда видьмотне аф лисендевихть, сяс мес синь ащихть ведьфтома. Шовсемафтома синь ванфтовихть тёжань кизот, а ведьса синь начкафтомада меле улихть кода учемс кафтошка киза: улема синь лисендихть.

Кува содавихть видьмотне лацкаста шовсефт? Лацкаста шовсемда меле видьмотне кафтоньгърда паймошкодыхть 24 ойда (часста) меле. Паймошкофтяряйхть, эрявихть тага синь аф ламне шовсемост. Тага паймошкофтяряйхть 24 ойда меле, эрявихть тага синь аф ламне шовсемост.

Лотосонди эряви аньцек ведь…

Швамкагодса шовсемда меле видьмотне путт ведь мархта кядьгос. Нъльне 20 °C-шка температурса синь таргозевихть кафтоньгърда 24 ойс. Пароль ушедомс 27–28 °C температурса. Стама псиса синь лисендихть пяк курок, таргашкас. Тонь ули касыкс лопа мархта. Ватт фотоархтофкст тяса 

Васенце лопа касомда меле лотость пара озафтомс шяень модас эли шовине кеву модас (аквриумти кондясти лаца) ди марнек касыксть путомс ведьс (аквариумс, тиф эрьхконяс) аф 30 сантиметрада кържа кърхкалмас. Шовине кевса лотость тага ули кода касфтомс аквариумса калнянь мархта.

Валом-валом (лотосонь кенеремда) касыксти эрявксты сяда лама васта. Сонь ули кода кирдемс тялонь перень эли верокскудонь эрьхконяса, и с. т., коса сон аф эйндай. Сембода пара температурсь 20–35 °C, интай 20 °C псись ся амплитудаста тейнза аф пелькс. Кизонда ули кода сонь кандомс ушу, эрьхконяс, тялонда эряви сонь сявомс куду. Ведьгаштаз лаца сонь ули кода тялос ванфтомс начка кудалкса.

Сембода пара сонь касфтомс марамань шонгаркста меле сюмаса (синь улихть 60 ди 80 литра, питнесна 10 Еврошка). Касыкссь мода мархта (шяень мода эли аквариумонь шовине кеву мода) путт сюмас. Сюмать ведьса пяшкотькшнемада меле тон тисак сембода пара лотосонди. Асусь тянь эса тя сюмать ули кода кандомс тялонь перес эли кудс (сембода пара балкон вальмя ваксс), эста касыкссь ули сембода валда ди лямбе кудонь вастса. Кизонда сюмать ули кода путомс лямбешире ёнонь балкону эли перес. Кода няеви лотоссь ули кода касфтомс нъльне мъзярда тон эрят панелень кудса!