Pamananam sampagang bulba ampong malating tanaman
Lako mula deng sampagang bulba ampong malalating tanaman ibat king kahun at paburen mula lilim king 2–3 aldo. Ing kadwang posibilidad na ing tanam mulang agad na ali mula king diretang aldo.
Para makapananam malating tanaman
Gawa kang malating busbus nung nukarin me ilage ing malating tanaman. Kuanan mw ing malating tanaman king pasu (o kaya king bag a plastik na makalage ya ing malating tanaman), baligtad mula deng uyat na at lage mula keng busbus.mamulus kang ditak danum. Makanta din gawan mu kareng aliwang tanaman.
Kayari na ning pilang aldo mulang tenam, malyari mula mung diligan nung kailangan mulang ingatan mulang protektadu keng aldo. Deng tanaman atin nalang uyat king kilub na ning 1–3 duminggu at ibat kanita kailangan mulang ingatatan na parehas nung makananu mula sesesen deng aliwa mung tanaman.
Pamananam sampaga bulba ampong malalating tanaman
Mumuna mangulkul kappa king gabun nung nukarin mula itanam ding bulba ampong ding kayang uyat (gumamit kaming salitang bulba king susunud a salita). Mangulkul ka sapat a lalam a busbus (lawen me ing lamesa) at lage me ing bulba king busbus na ing babo na makaharap ya babo. Mangulkul kang sapat a lalam – sesen mulang maselese deng tanaman!
Nung tatanam kang tulip king libutad na ning taginit (o kaya ali mula a lage gang nukarin at mako ka) kailangan ali mula didiligan. Deng bulba paynawa la at dagul lamu patse binulus ne ing mumunang uran na ning taglagas.
Deng malating bulba mas masakit lang paragulan, kailangan mulang itanam na mas mababaoi. Para abalau mu nung makananu kalalam, kailanagan mung abalu ing distansya king pagitan na ning babo na ning bulba ampo ing babo na ning gabun!
Kukuanan mila ding bulba king gabun patse ing babao ng bahagi (babao na ning gabun) melanat ne (ini ing batas kareng sampagang bulba maliban keng Gladioulus) – ini ing kasu neng Mayo king Europa (kareng mapali ampong malanging panaun). Kareng maralas, kaybat dang milako king gabun, lage dala (basta makasinup la king malangi) hanggang dating ing taglagas (kareng sibuyas, bawang, saffron ampong tulips).
Deng mitagan a uri na halimbawa deng lily, ubas a hyacinth (muscari), Ornithogalum, ampo ing tatak ng Salomon (Polygonatum) ali pweding salikut king makanining paralan kasi ali la kumabye. Ing uri a reni ali mula a salikut keng (malanging lugal) kaya dapat itanam mula king metung a lugal king kekang hardin at king aliwang lugal (ali la kumabye para king metung pang dumingu, pero ali la dapat kakana king kilwal).
| Uri | Panaun a pamamanam | Tanaman lalam king cm |
| mangalating bulba na ing sukad na mga 2 cm kalupa na ning Allium carinatum, flavum, molly, oleraceum, scorodoprasum | 7.-10. | 5–8 |
| mangaragul bulba na ating sukad a 10cm kalupa na ning Allium giganteum, karataviense, nigrum | 7.-10. | 10–15 |
| Colchicum – uri na mamukadkad neng taglagas | 8. | 15 |
| Crocus – uri na mamukadkad neng tagsibol (Crocus chrysanthus, Crocus vernus) | 10. | 9 |
| Crocus – uri na mamukadkad neng taglagas (Crocus sativius) | (7.-)8. | 9 |
| Gladiolus (pisamut a hardin) | 4.-5. | 10 (mas malati keng 5) |
| Gladiolus (sagwe sagweng uri na menibat keng Timog Afrika) | 9. | 5–8 |
| Lilium candidum – maputing lily o Madonna lily | 8. | 3 |
| Lilium – gpisamut a hardin | 9.(-10.) | 5–15 dependi king tipo |
| Muscari – ubas a hyacinth | 7.-10. | 8–10 |
| Narcissus – narcis | 8. | 10 |
| Ornithogalum umbellatum – tala na ning Bethlehem, Lilyng dikut | 7.-10. | 10 |
| Polygonatum – tatak ng Salomon | 8.10., 2.-3. | 10 |
| Tulips na ating malating bulba kalupa ng Tulipa chrysantha, tarda, saxatillis, turkestanica, urumiensis | 10. | 10 |
| Tulip a ating maragul a bulba – Tulipa greigii, Tulipa fosteriana, Tulipa kaufmanniana at pisamut king hardin | 10. | 12–14 |
Pamananam Lily keng pamamagitan na ning kaliskis
Ing pinaksimpleng paralan nung makananu mulang aparakal deng lily keng pamamamagitan na ning kaliskis (patung na ning bulba)
Tanam mula deng kaliskis king busbus na ning 1–2 cm ing lalam (=lalam na ning gabun a tatakap kareng kaliskis) at panatilyan mula king aldong temperaturang mga 25–30°C at keng bengi king 22°C (ing benging temperature pwedi yapang baba, ing pekaimportanti ing temperature neng aldo) palagi meng panatilihang malangi ing gabun banta ding bulba dagul lang agad. King 1–3 a bulan atin mga 2–3 bulba a mga 1 cm ing kaba na dinagul ibat kareng kaliskis na! nung balatan mula deng kaliskis na at itanam mula king banding talwi na ning Hulyo, akwa mula deng bulva king gabun king Setyembre at itanam mulang 2 cm ing lalam king kekang hardin. itanam mulang makakawani at maglakwan kang 4 cm ing pagitan da reng baling bulba.—kayari ng 4–6 a banwa atin nakang masanting a sampaga a makabukadkad!
Pamananam butul da reng sampagang bulba
Deng aliwa kareng sampagang bulba aparakal mulang mabilis dahil keng butul. Keng Europa ing pekamasanting a panaun king pamananam butul patse Marso ampong Abril king gabun a 0,5–1 cm. ali mula tatanam king mumunang banwa, pero paburen mula king orihinal dang lugal. Ating uri na agad mamukadkad agad king tutuking panaun. Maralas kareng uri na magumpisa lang mamukadkad kaybat na ning 2–5 banwa. Deng mas malating uri na mamukadkad la mas mabilis kaysa keng mas maragul a bulba.
««« Tang artikulo nandin: Ing Khasi Pine (Pinus kesiya)
Hwebis 17.11.2011 18:00 | Iprint | Instruksyun nung makananung magparagul tanaman
Tungkol keng KPR
Ibahagi ing kekang karanasan tungkol keng pamagparagul keng tanama. Sumulat kang artikulong tungkol keng pamamananam, tanaman ampong aliwa pa. at I limbag ya king kekang sariling lenguahe na ning journal a Botanix! Kontakan mu kami para keng detalye.
Kategorya: Egana gana Danum ampong tanamang daragul keng danum Dikut Exotic a tanaman Instruksyun nung makananung magparagul tanaman Palma Payung payungan Peste