Як правилно кошиц травняк?

За доставанє густого травняку нєопходно го правилно кошиц. Анї єден ядловец анї сосна нє будзе випатрац крашнє кед коло нього нїяка трава.

За кошенє травняка важи правило же би зме першобитну длужину травняка скрацели на 1/3. То значи же 6 цм високу траву кошиме на висину 4 цм. Оптимална висина травняка виноши 2–3 цм. Кед будзеце кошиц барз нїзко, постої можлївосц же би ше трава осушела. Кед гоч як жадаце мац зошицким нїзки травняк, нє забудзце го добре заляц после кошеня (голєм 10–15 л води на 1 м2).

У на сше хасную 2 файти косилицох – класични и косилици без кошарки. Косилица без кошарки нє збера покошену траву, алє ю реже на дробни фалатки и розруцує по травняку. Травняк ше на тот способ кажди раз при кошеню автоматски гної. Медзитим, тоти косилици нє вигодни кед на травняку маце базен, прето же би сце зоз ногами уношели дробни фалатки трави. За тоти травняки лєпше хасновац класични косилици зоз кошарку за зберанє трави.

Нєшка тиж постоя косилици преходного типу. Кед положице кошарку за траву достанєце класичну косилицу, а кед кошарку нє положице – добиєце косилицу зоз лєм резаньом.

Косилици ше можу хасновац за кошенє травняка чийо нагнуце до 15º. Кед ше ваш травняк находзи на нагнутей жеми, мушице хасновац ручну косилицу. Ручну косилицу добре хасновац и за кошенє коло древох и тирвацих рошлїнох засадзених на травняку або на його крайох.

««« Претходни текст: Пестованє нового травняка Шлїдуюци текст: Цо поробиц зоз покошену траву? »»»

пияток 29.12.2023 08:32 | видруковац | Травняк