Садзенє цибулькастих рошлїнох и пресади
Купени рошлїни (пресада) хтори сце достали по пошти виньце зоз пакета и положце их на 2–3 днї дзе цинь. Друга можлївосц то да их такой посадзице и да им даскельо днї направице цинь (нпр. з помоцу концеларийского паперу, дески) же би нє були виложени директному слунку. У тим цлучаю постої можлївосц да их слунко очкодує.
Садзенє пресади
Викопце долїнку хтора по велькосци будзе одвитовац засадзеней рошлїни. Рошлїну виньце зоз черепа (односно пластичного мещка у случаю шлєбодного пакованя рошлїнох), корень обрадзце на долу и ровномирно го розподзельце на шицки боки, та рошлїну положце до долїнки. До долїнки насипце дакус води, а кед глїна упиє воду рошлїну загарнїце зоз глїну. Исти поступок и при других рошлїнох. Кед закончице садзенє градки, засадзени рошлїни залєйце. Перши даскельо днї после садзеня рошлїнох по потреби залївайце, алє им на моцним слунку и кед найвекши горучави направце хладок. Рошлїна през 1–3 тижньох зошицким пущи корень, а после ше допатра исто як и други рошлїни у загради.
Садзенє цибулькових рошлїнох и гомоля
Перше прекопце место дзе будзеце садзиц цибульково рошлїни и гомолї (у дальшим тексту будземе хасновац заєднїцку назву „цибулькасти рошлїни“). Нєпостредно скорей садзеня цибульки виньце зоз паперових мещкох. Викопце досц глїбоку долїнку (опать таблїчку) и до нєй полож цибулю з веґетационим верхом обраценим на горе. При даєдни файтох би наспак обрацени цибульки угинули. Цибульку загребце, а поверхносц глїни лєгко поприцискайце . Кед сушна хвиля после садзеня жем добре залєйце. Кед нпр. садзице тулїпани штредком лєта (прето же их поведзме нє маце дзе тримац, або одходзице на длукши рочни одпочивок) у тим случаю их нє мушице залївац. Цибульки ше буду одпочивац и почню роснуц аж зоз першима єшеньскима дижджами.
Менши цибулькасти рошлїни и цибулькасти рошлїни пестовани у чежкей жеми ше садза на меншей глїбини. За глїбину садзеня береме оддалєносц од верху цибульки по поверхносц жеми!
Цибульки винїмаме зоз жеми у хвильки кед им одумераю поверхово часци (важи за шицки цибулькасти рошлїни окрем ґладиолох) – цо през сухи и цепли початок лєта може буц и скорей часу, уж у маю. При велїх файтох цибульки после винїманя зоз жеми можеме складищиц до єшенї на сухим ( углавном цеснок, шафран, тулїпани). Други файти як нпр. лелия, преслица, млечика и покоснїца би ше зоз складищеньом на сухо очкодовали и могли угинуц. Тоти файти хтори нє любя сушенє своїх цибулькох найлєпше пресадзовац зоз жеми до жеми без длукшого складищеня (тудзень на сухим витримаю без проблема, алє бим их длужей нє охабял на сухим).
| Файта | период садзеня | глїбина садзеня у цм |
| Мали цеснок з цибульку до 2цм нпр. Allium carinatum, flavum, molly, oleraceum, scorodoprasum | 7.–10. | 5–8 |
| Вельки цеснок з цибульку до 10 цм – як нпр. Allium giganteum, karataviense, nigrum | 7.–10. | 10–15 |
| Colchicum – орхидея | 8. | 15 |
| Crocus – сорти хтори квитню на яр (Crocus chrysanthus, Crocus vernus) | 10. | 9 |
| Crocus – сорти хтори квитню вєшенї (Crocus sativus) | (7.–)8. | 9 |
| Gladiolus – ґладиола (заградкова сорта) | 4.–5. | 10 (менєй 5) |
| Gladiolus – ґладиола (еґзотична ботанїчна сорта) | 9. | 5–8 |
| Lilium candidum – била лелия | 8. | 3 |
| Lilium – лелия, други сорти | 9.(–10.) | 5–15 у зависносци од сорти |
| Muscari – преслица | 7.-10. | 8–10 |
| Narcissus – кичкиридж | 8. | 10 |
| Ornithogallum umbelatum – щитасте млечика | 7.-10. | 10 |
| Polygonatum – покоснїца | 8.-10., 2.-3. | 10 |
| Тулїпани дробного росту зоз дробнима цибульками як цо то нпр.: Tulipa chrysantha, tarda, saxatilis, turkestanica, urumiensis | 10. | 10 |
| Тулїпани велького росту – Грегов тулїпан (Tulipa gregii), Фостеров тулїпан (Tulipa fosteriana), Кауфманов тулїпан (Tulipa kaufmanniana) и заградково гибриди | 10. | 12–14 |
Розмножованє лелиї з цибульковима лупками
Приклад розмножованя лелиї з цибульковима лупками
Найєдноставнєйши способ розмножованя лелиї то розмножованє з помоцу лупки цибульки.
Лупки посадзце до валовка глїбоко 1–2 цм (= грубина слоя жеми над лупку) и змесце их до штредку дзе ше дньова температура руша коло 25–30°C, а ноцна коло 22°C (вноци може спаднуц и нїжей, примарно битна дньова температура) (нпр. склєнярник, росаднїк, облак у квартелю). Супстрат отримуйце сухши. Под такима условиями ше на долнєй часци лупки досц швидко формує нова цибулька. На єдней матичней цибульки – лупки, ше под час 1–3 мешаци формую 2–3 цибульки велькосци коло 1цм. Кед лупки були отаргнути и засадзени крайом юла, можеце и у цеку першей половки септембра виняц и засадзиц до градки на глїбину 2цм. Засадзце их по єдну лупку з єдну цибульку на роздалїни коло 4цм од себе. У градки после 4–6 роки пестованя достанєце першокласни цибульково рошлїни хтори буду способни квитнуц.
Зашеванє нашеня цибулькастих рошлїнох
Даєдни файти цибулькастих рошлїнох ше можу барз швидко и ефективно розмножовац зоз нашеня. Нашенє зашевайце у цеку марца – априла директно до жеми, або до порихтаних черепох на глїбини коло 0,5–1 цм. У цеку першого року их нє пресадзуйце, алє их охабце на першобитним месце. Даєдни файти вам можу квитнуц такой шлїдуюцей сезони. Векшина файти квитнє од 2–5 роки после зашеваня. Дробнєйши сорти квитню углавном скорей як векши.
««« Претходни текст: Упутство за пестованє рошлїнох зоз нашеня Шлїдуюци текст: NOVODOF FC процив кромпльовей златици »»»
пияток 29.12.2023 08:38 | видруковац | Инструкциї за пестованє рошлїнох
КПР представя
Подзельце свойо искуства хтори маце у вязи пестованя рошлїнох. Напишце текст на тим вебу! Контактуйце нас.
Катеґориї: Шицки Водово и мочварни рошлїни Еґзотични рошлїни Инструкциї за пестованє рошлїнох Палми Печарки Травняк Чкодлївци