Китайски чаєвец – одпесстуйце свой чай!

нашенє чаєвца

Уж при концу жими кажди заградкар почина плановац же цо будзе пестовац у шлїдуюцим пестовним року. Вецей нас нє прицагує же би зме каждого року пестовали парадичи, паприґу и очурки. Роздумуєце о пременки. О дачим еґзотичним. Цо повеце за идею же би сце того року пестовали особни чай?!

До роду чаєвец (Camellia) чишлїме коло 50 файти тирвацо желєного тропского и субтропского жбуна, односно нїзших древох од хторих найзнашнєйши китайски чаявец (Camellia sinensis). У питаню прастара рошлїна хтора походзи зоз южного и восточного Китаю и сушедних обласцох Индиї, Бурми, Виєтнаму и Лаосу дзе ше пестує уж тисяч роки. Гоч ше пестує у тропских предїлох цалого швета, найзначнєйши продукователє чаї и далєй остава Китай, Индия, Шри Ланка и Япон.

Пестованє власного чая нє чежке анї у наших условийох. Найважнєйше набавиц швиже нашенє прето же нашенє чаєвца барз швидко траци ключкавосц. Нашенє округластей фурми и пред шацом го обовязно намочиц 2–3 днї. После того го пошейце до супстрату хтори добре препущує воздух. При температури од коло 20–25°C нашенє ключка 2–4 тижнї. На слунковитим месце млади рошлїни рошню барз швидко, а уж коло полрочних рошлїнох можеце почац зоз скрацованьом. Дзекуюци правилному скрацованю достанєце конарасту фурму, а тиж и сировину за продукованє власней чаї.

Чаявец през лєто добре пестовац вонка у загради або на балкону. Горуце лєто и правилне, достаточне залїванє му найлєпше будзе симуловац условия хтори чаєвец ма у своїм отечестве. Без огляду на факт же чай достати зоз власней загради, односно балкона, зоз своїм квалитетом нє одвитує чаї одпестованей у тропских крайох, його пестованє вам сиґурно принєше вельо радосци, док вас рошлїни за добре старанє наградза зоз велькима билима квитками. През жиму чаєвец положце такой до облака. Будуце же у питаню тирвацо желєна файта, а да у нас нє маце можлївосц да єй през жиму обезпечице количество слункового шветла хторе вона жада, чаєвец вам вжиме вероватно спреє и опада. Медзитим, зоз приходом яри його стан ше швидко полєпша и заш будзеце оберац особни чай.

««« Претходни текст: Пестованє яблукох у форми виткого вреценка Шлїдуюци текст: Хлєбове древо Artocarpus odoratissimus »»»

пияток 29.12.2023 08:55 | видруковац | Еґзотични рошлїни, Инструкциї за пестованє рошлїнох