Кивано (Cucumis metuliferus)

Кивано випатра як и помаранче, 10–15 цм длуга тиковка хтора ма джобасту поверхносц и здабе на штредньовиковне оружиє. Месната часц желєна и углавном содержи 5–10 мм длуги били нашенка. Ище док кивано нєузрети коло джобацого ма желєни цифри.

До наших крайох ше увожи зоз Штреднєй Америки и Израелу. Конзумираме желєни, меснати вєдно зоз нашеньом. Кивано ма смак огурки и тиковки, алє и банани. Кед поєме меснату часц кивано можеме хасновац як украсну мисочку. Нашенка можеме осушиц, та их засадзиц и пробовац зоз пестованьом у квартелю. Успишно рошнє вшадзи дзе рошнє и огурка. У питаню велька, швидкороснуца, єднорочна лияна подобна тиковки, хтора ма длуги виростки и баюски хтори треба обовязно скрацовац. Лїсца здабу на лїсца огурки, маю аж и дробни джобаци власки. Опрашкованє 3 мм вельких квиткох исте як и при огурки. Мушиме водзиц рахунку о плодох хтори би у дотику зоз жему могли згнїц. Кивану одвитує температура од коло 25°C, односно температура хтора постої у класичних склєнярникох и склєнярникох зоз фолийох за пестованє огуркох и диньох. Нє подноши мраз, та прето пресаду садзиме вонка аж после ярнїх мразох.

««« Претходни текст: Пестуєме пепино Шлїдуюци текст: Pongamia pinnata »»»

штварток 28.12.2023 21:27 | видруковац | Еґзотични рошлїни