Хлєбове древо Artocarpus odoratissimus

До роду хлєбове древо (Artocarpus) убрајамо коло 60 файти тирвацо желєного тропского древа зоз фамелиї дудох (Moraceae), хторе походзи зоз юговосточней Азиї и зоз острова у Цихим океану. Хлєбове древо побне фикусом (Ficus). Найпознатше и найчастейше пестоване обичне хлєбове древо(Artocarpus altilis). До того роду спадаю и даскельо други файти перспективних овоцових древох, як цо то наприклад Artocarpus communis, Artocarpus integer, Artocarpus heterophyllus и Artocarpus odoratissimus.

У тим тексту представиме менєй познату файту хлєбного древа Artocarpus odoratissimus хтора походзи зоз острова Борнео (Индонезия), дзе ше за локални потреби пестує и у околних жемох (Малезия, Тайланд, Филипини). У жеми свойого походзеня є позната ище як Atau, Keiran, Loloi, Madang, Marang, Pi-ien, Pingan, Tarap, Terap, Khanun sampalor. Звонка наведзених обласцох є практично нєпознате. У природи рошнє на писковитим тлу у секундарних лєсох, у поясу од морского побрежя до надморскей висини од 1000 м.

Рошнє до висини 25м, лїсца му 16–50 цм длуги и 11–28 цм широки. Рошлїна єднодомна – за стваранє плодох досц лєм єдна рошлїна. Плоди на поверхносци желєни, вайцовей су форми, 16 цм длуги и 13 цм широки. Чежки су коло 1 кґ. Плоди ше конзумираю сирови або термично обробени, док нашенє потребне скорей єдзеня термично обробиц. Хлєбовее древо битна часц єдловнїку становнїкох юговосточней Азиї. Месната часц овоци шнїгово билей фарби, барз є сладка, сочна, ароматична, благого є смаку подобна дурияну (Durio, найшмердзацша овоц на швеце), алє за розлику од нього нє шмердзи.

Хлєбове древо Artocarpus odoratissimus ше розмножує зоз нашеня. Швиже нашенє ма барз високи ступень клучканя и виключка за тидзень днї. Спрам випитованьох ключканя хтори зме вивершовали на Борнеу уж после тротижньового чуваня нашенє подполно траци способносц ключканя. Нашенє зато нєопходно такой пошац, найлєпше до писковитого, добре препущлївей жеми. Веґетативне розмножованє (младнїки, каламеньом) менєй успишнєйше. Хороти и чкодлївци го нападаю барз ритко.

Зоглядом на свойо тропске походзенє, файта нє одпорна на мраз. Минимална температура нє шме спаднуц попод 7°C. У нас ше може пестовац у квартельох и склєняникох.

Плод хлєбового древа Artocarpus odoratissimus, Борнео, Индонезия

Плод хлєбового древа Artocarpus odoratissimus, Борнео, Индонезия

Плод хлєбового древа Artocarpus odoratissimus, Борнео, Индонезия

Деталь плода хлєбного древа Artocarpus odoratissimus, Борнео, Индонезия

Деталь плода хлєбного древа Artocarpus odoratissimus, Борнео, Индонезия

Деталь плода хлєбного древа Artocarpus odoratissimus, Борнео, Индонезия

««« Претходни текст: Китайски чаєвец – одпесстуйце свой чай! Шлїдуюци текст: Сосна Pinus kesiya »»»

пияток 29.12.2023 08:58 | видруковац | Еґзотични рошлїни