Pongamia pinnata

Pongamia pinnata

Pongamia pinnata (Indian Beech Tree, Honge Tree, Pongam Tree, Panigrahi) то лїсцопадне древо зоз фамелиї бобкох (Fabaceae), походзеньом зоз Индиї, хтора ше масовно пестує у юговосточней Азиї.

Рошнє до висини 15–25 метери и формує вельки конари. Квитнє у малих квиткох пахняцих, билих, целових, або лилових квецикох.

Файта одпорна на високи температури и моцне слунково зарйованє, а дзекуюци богатей кореньовей системи одпорна є и на сушу. У природи рошнє на писковитих и каменїстих поверхносцох, на вапнянїкох, алє ше може пестовац и на вецей типох жеми, медзи шицким и на засолєней жеми. Часто ше садзи у сухих обласцох, служи як защита од витру, або ше садзи на найрозличнєйших местох же би ше достало хладок. Скора ше хаснує за продукованє штранґох и порващкох, або за продукованє чарней ґуми хтора ше хаснує лїченє повредох виволаних укушеньом отровних рибох. Дзекуюци способносци фиксациї воздухового азоту рошлїна ше пре обогацованє жеми садзи на местох хтори худобни зоз кармлївима материями. Гоч є и отровна хаснує ше у медицини. Сок и олєй зоз рошлїни маю антисептичке дїйство. Олєй нашенка ше традиционално хаснує як олєй за лампи, за продукованє мидлох и лубрикантох, а нєшка рошнє и його значенє як додаток биобензину.

««« Претходни текст: Кивано (Cucumis metuliferus) Шлїдуюци текст: Пестуєме авокадо »»»

штварток 28.12.2023 21:50 | видруковац | Еґзотични рошлїни