Черимоя (Annona cherimola)

У остатнї час ше до Европи барз интересантни тропски плоди. Я особнє успел назберац и пробовац черимою. У понуканю у предавальньох ше находзи ридко, алє дзекуюци свойому доброму смаку сиґурно пошвидко и там найдзе стайомне место.

Черимоя то найчастейше хаснована назва плод-древа анони черимої (Annona cherimola) хтора рошнє у долїни Андох на висини од 1500м н.в. од Колумбиї по Перу. Подноши нїзши температури, та ше розширела и на други цеплєйши краї швета – аж до Израелу и южней Шпаниї. До того роду начишлюєме 120 файти.

Черимоя ма желєно-кафову мат скорку. Поверхносц єй нє ровна, випатра як да на нєй остал шлїд пальцох. Дакого здогадує на шиндру. Нєузрети тварди плоди можеме охабиц на хижней температури най омегчаю. Нука у плоду ше находзи месната часц крем фарби хтора ма смак подобни банани и ананасу. У плоду ше находзи коло 10–20 чарни нашенка велькосци пасулї хтори опасни по живот. Месната часц ше конзумира углавном сирова.

Нашенє ше може посадзиц и пестовац у квартелю або у цеплим склєнярнику. Длужина ключканя розлична, углавном виноши коло 3 тижнї. Температура вигодна за ключканє коло 27 °C. Млади рошлїни целовей фарби, алє пошвидко доставаю желєну фарбу и шерсцави лїсца вайцовей фурми, длужини 10–15 цм, на чиїм долнїм боку виразни жилки. Лїсца вжиме часто опадню. Кед су очкодовани нєобично пахню. На место зоз хторих одпадло лїсце рошню нови конари. Шицки файти анона сцу вельо шветлосци, а окреме одвитуюци способ жимованя, цо медзи пестователями спорне питанє. Я особнє анону охабям през жиму у просториї на температури од 10–15 °C. Требало би источашнє випробовац триманє даєдних єдинкох през жиму на хижовей температури, та провадзиц дзе анона скорей розквитнє.

Анона квитнє вжиме у трецим по пияти року. Скорей квитнуца анона випатра спрето и лїсце єй углавном опада. Квитки єй жовкасти и появюю ше на местох дзе опадли лїсца, алє ше зявює вєдно з младима лїсточками за опрашковйованє потребни 2 рошлїни хтори ше годни опрашковйовац и ручно. Зреце плодох тирва 5–7 мешаци.

Най вас нє збунї верщок рошлїни хтори вше випатра спрето. Кратка суша рошлїни нє начкодзи, алє ше муши вжиме залївац. Кед будзеце мац щесца можебуц ше вам поспиши набавиц и други файти анона.

Annona sqamosa – лупкаста анона хтора ма „лупки“ плоди подобни шишарки сосни. Наволую ше и цукрово яблука. Плоди жовти або жовто-желєни.

Annona reticulata – мрежаста анона хтора ше пре свою кирваву фарбу наволує „маґарцово шерцо“ або „шерцо буяка“, а месната часц єй тварда и сладка.

Annona muricata – анона муриката хтора ма мено ґуанабана ма найвекши (1,5–5 кґ) и найвецей тропски плоди хтори ше зявюю на стеблу и характеристични су по джобацих брадавкох длужини до 0,5 цм. Желєней су фарби. Зоз лїсцох тей анони пририхтує ше такволана каросол чая.

««« Претходни текст: Велвичия (Welwitschia mirabilis) – пестуйце нови фосил Шлїдуюци текст: Пестуєме буковачу (Pleurotus ostreatus) »»»

пияток 29.12.2023 08:10 | видруковац | Еґзотични рошлїни