Игелкаста палма (Rhapidophyllum hystrix)

Rhapidophyllum hystrix то файта палми хтора од шицких палмох найодпорнєйша на мраз, а источашнє є и єдина файта монотипичного рода Rhapidophyllum. У природи рошнє на мочварних местох на юговостоку САД-а. Дзекуюци одпорносци на жиму и мраз до –20°C може ше пестовац вонка и у наших условийох. До єй добрих прикметох учишлюєме и нїзки, густи рост (маскимално 1–3м) и атрактивне игелкове стебло.

Тота палма затераз нєма руску назву, та зато хаснуєме латински преклад – Rhapidophyllum = “игелкасти лїсца“, hystrix = „дикобраз“.

Пестованє палми у наших условийох нє чежке. Нашенє пошеєце спрам упутства за пестованє. При тим майце на розуме же палма вообще нє глєда високи температури як цо то случай при тропских файтох. Цалком єй достаточна температура од коло 20 °C. Препоручлїве же би ше под час перших трох рокох палму тримало вонка лєм през лєто под час жими сиґурнєйше ю унєсц до просториї у хторей нє постої опасносц од мраза. После трох рокох палма уж досц велька же би прежила нашо жими и можеце ю посадзиц на сталне место. Як и други палми хтори одпорни на мраз и тота глєда добре препущуюци супстрат, а найвецей єй одвитує южно ориєнтоване спущенє. Под час жими найвекши нєприятель палми нє мраз, алє вишок влаги у жеми хтора виволує гнїце кореня. Палма иншак без почежкосцох подноши температури од –15 до –20 °C. Наводзи ше же найнїзша температура хтору тота файта палми поднєсла виношела –28 °C.

Предаванє палмох одпорних на мраз