Сосна (Pinus kesiya) то швидкоростуца файта азийскей сосни хтора ше звонка жеми походзеня барз ридко пестує. Рошнє до висини 30–35 м, а пречнїк стебла може досцигнуц аж 1м. У питаню троигелкова сосна (зоз єдного места вирастаю 3 игелки длужини 15–20 цм). Шишарки вельки 5–9 цм, а нашенє 1,5–2,5 цм длуге.
Рошнє на подручох од восточних Гималайох у сиверовосточней Индиї (хвильково пре вилєсованє лєм на горох Кхаси и Наґа у жемох Меґхалай и Манипур), прейґ Китаю (у провинциї Юнан), Берми (Мянмар) сиверного Тайланду, Лаоса, Виєтнаму (Lai Chau, Lang Son, Cao Bang, Quang Ninh), та аж до Филипинох (Лузон). Сосна зоз Филипинох ше дакеди наволує и Pinus insularis. У Китаю рошнє подобна файта – юнанска сосна (Pinus yunnanensis).
Рошнє на падинох мишаних лєсох, на квашних (pH 4,5), червених або жовтих нєплодних жемох на надморскей висини од 800 до 2000 м, найчастейше медзи 1200–1400 м н.в. Клима субтропска, монсунска – меняю ше сухи и влажни периоди. Паданя барз вельки, влажносц воздуху нє опада попод 70%.
Одпорна є на слабши мрази, алє як култивована нє подноши позни мрази. Прето глєда защицене пребувалїще, нпр. на южних падинох хтори зоз сиверного боку защицени зоз ограду. У сивернєйших обласцох под час мразох потребне ю положиц на прежимйованє до просториї або до склєнянику, на температури коло 0 °C. У южней Европи ше под час цалого рока може пестовац на отвореним.
Английска назва: khasi pine
Синоними: Pinus khasya, Pinus khasyanus
Printed from neznama adresa