Упутство за шаце нашеня рошлїнох месоєдачкох

Нашеня рошлїнох месоєдачкох свою способносц ключканя отримую барз крадко. Ключканє при велїх файтох уж после рока нєдобра. Зато потребне нашенє шац док є швиже, такой после набавки.

За шаце порихтац 2 судзини. Єдну велькосци 10х15х10 цм (длужина х ширина х висина), а другу на каждим боку векшей голєм за 10цм. Векша судзина нє шме мац дзирки за одцеканє води и требало би же би ю могло прикриц зоз склєняну таблу або превидним, пластичним верхом. Менша муши мац на споднєй часци 3–5 дзирки пречнїку 1 цм за одчечованє води, односно бранє води. Векшу посуду до полу наполньце зоз воду – у сущносци добиєце мали аквариюм. До меншей посуди положце розтресаци супстрат, алє можеце похасновац и чисти писок. На поверхносц претходно залятого супстрата ровномирно сипайце нашенє. На концу цалу судзину зоз пошатим нашеньом положце до векшей судзини так, же би вода дошла голєм до половки малей посуди. После вам нє остава нїч друге лєм же би сце чекали – под час 1 мешаца ше на поверхносци супстрата зявя мали рошлїни, хтори познєйше, за даяки 3–6 мешаци – у зависносци од велькосци, кажду окреме пресадзице до окремних черепчкох.

Пририхтованє супстрата за шаце скорей самого шаца

Скорей шаца нєопходне обавиц стерилизованє шацового супстрату. Кед похаснуєце пицок можеце го єдноставно вариц коло 10 минути у врацей води, а кед похаснуєце тресет, залєйце го зоз врацу воду и охабце най ше охладзи. На тот способ добиєце стерилни супстрат без плєшнєнїни и печарочкох хтори би могли знїщтожиц шицко шаце, и без нашеня коровча хторе би могло знїщтожиц вашо шаце.